پەرلەمانتاروو دەم پارتی عومەر ئۆجالان و پارېزنەر ئۆزگور فایەق ئەرۆل ستراسبورگەنە چنی کاربەدەسا سی پی تی دیڎارشا ئەنجامدا و جە بارەو دیڎارەکەیۆ زانیارییشا وست ڕووە.

عومەر ئۆجالان ئانەش وست ڕووە، کە ئاڎۍ سەبارەڎ بە گۆشەگیری و پاشێلکارییە نایاساییەکا کە سەروو رابەروو گەلوو کوردی عەبدوڵا ئۆجالانیرە پەیڕەو کریا، زانیاریشا یاۋنان بە ۋەرپرسا سی پی تی و باسش چانەی کەرد، کە ۋەرپەرسا سی پی تی چا بارۆ پنەشا واتێنۍ، کە بە بێ ئیجازە و ڕا پنەداو وڵاتا ئەندامی مەتاوا گوزارشتەو سەرداکەیشا پەی رای گرڎینی ئاشکرابکەرا.

عومەر ئۆجالان واتش، کە ئاڎۍ یاڎوو کاربەدەساو سی پی تییشا وستەنۆ کە ئاژەو رابەروو گەلوو کوردی عەبدوڵا ئۆجالانی پەی گەلوو کوردی و پرسوو کوردی فرە گرنگا و ئەرەیاۋناش، کە داواشا جە سی پی تی کەردەن چا مژارەنە هەستیارۍ با و فشار وزانۍ سەروو تورکیای.

مشۊم سی پی تی ئەرکوو ۋێش بە یاگۍ بیاونۆ و کاریگەری بنیۆرە

ئۆزگورفایەق ئەرۆلیچ کە جە دیڎارەکەنە چنی سەرۆکوو گرڎیی سی پی تی وکاربەدەسا تەروو ئا کۆمیتەینە بەشداربۍ، ئاماژەش پانەی کەرد کە وەختۍ هەلومەرجوو ئیمراڵی ۋەرووچەما گیریۆ پێویسا سی پی تی کە ماوەو ٢٥ ساڵان چەمڎاری ئاژەو ئا زینڎانەیە مکەرۆ، خاوەنداری جە ئەرکوو ۋێش بکەرۆ.

ئۆزگور فایەق ئەرۆل دەسنیشانش کەرد کە هەڵوێسی هەنوکەیی سی پی تی جە سیاسەتوو گۆشەگیرینە ڕا پەی تورکیای وەشکەرۆ و باسش چانەی کەرد، کە چا روۆ رەخنەشا ۋنەو سی پی تی گېرتەن و ئەرەیاۋناش، "پێویسا هەڵوێسێوە گیریۊنە ۋەر کە نیگەرانیەکاو بەڕێز ئۆجالانی و گەلوو کوردی جە بارەو ئاژەو عەبدووڵا ئۆجالانیۆ ڕەماوە. پەی ئانەیچ چېشما دەسەنە بۍ کەرمێش درێخی مەکەرمۍ".