ئەرەیاونیا، سەیارەکەنە کە دەوڵەتوو تورکی بۆردمان کەردەن ٢ڕۆنامەنویسێ مەردێنێ و ٦ی تەریچ بریندارێ بیێنێ، سەیارەو کۆمپانیای میدیایی چەتری بییەن و ئشناسنامەو هەردووە گەشمەردەکا ئەرەیاونیا.
بە پاو زانیارییەکا، ئارۆ دەوڵەتی ئەرەگیروو تورکی هجوومش کەرد سەروو سەیارێوە کۆمپانیای میدیایی جەتری شارەکڵەو سەیسادەقوو سلێمانینە.
ئەرەیاونیان ئا ڕۆنامەنویسێ کە سەیارەکەنە بیێنێ، کارمەندێ کۆمپانیای مێدیایی چەتر پرێسی بیێنێ.
ئەنجاموو هجوومەکینە ٢ ڕۆنامەنویسێ مەردێنێ و ٦یتەریچ بریندارێ بیێنێ.
بەپاو زانیارییەکا، یوە چانیشا هجوومەکەو دەوڵەتوو تورکینە گەشمەردێ بیێنە نامێش هێرۆ بەهادینەنە و خەڵکوو سەنگاوینە و سلێمانیینە ئەرەنیشتێ بیێنە، مۆنتێرەو کۆمپانیاو چەتری بیێنە.
گەشمەردێ دووەمەیچ نامێش گولستان تارانە و خەڵکوو شاروو باتمانوو سەرنیشتوو کوردسانینە و ساڵەو ٢٠٠٠یوە ڕۆنامەوانی مکەرۆ و ئەندامەو ئەرەیاونای ئازادینە و کۆمپانیاو چەترینە هامکاریی ڕۆنامەنویسا کەرێ.
