هامسەرۆکەو شارەوانی سێرتی سوفیا ئاڵاگاشە ئاماژەش پانەیە کەرد کە کاتو دەس سەرەرەگێرتەی شارەوانییەکا چالاکی ئەنجام مڎانە و ئەرەیاوناش کە گرڎ ڕوێ جومعەی جە دژو قەیومی چالاکی ئەنجام مڎانە.

شارەوانیی سێرتی جە ٢٩و کانوونو دووەمینە دەستش سەرەرە گیریا. ئیرادەو گەلوو سێرتی پەی جاری یەرەم دەسبەسەر کریا. هورچنییەو دلینەینە و٣١و ئاداری ٢٠٢٤ سەرو ١٠ شارەوانیانە کودەتاو قەیومی سەپیا. پێسەو شارەوانییەکا جولەمێرگ، ئەسەنیورت، شاری گۊرەو مێردین،، ئێلح، خەلفەتی، دێرسیم، پولور، مکس، ئاکدەنیز و سێرت. جە دژو کودەتاو قەیومی گەل خاوەندارێتی جە ئیرادەو وێش مکرۊ.

هامسەرۊکەو شارەوانی سێرتی سوفیا ئاڵاگاشە پەی ئاژانسو هەواڵو فوراتو (ANF) قسێش کەردە

کوردۍ تەنیا پێسەو خزمەتکار وینانە

ئاڵاگاشە ئاماژەش پانەیەدا دەسەڵاتداری گەرەکش نییا کورد خاوەن ماف بۊنە، گەرەکش نییا وێش بەرۊ ڕاوە و واتش: "هورچنییەی بە مافو وێڕاوەبەری کوردی مەوینانە. تەماشە کەردەو ئاڎشا پی جۊرەنە؛ شمەچێردەسێندۍ و تەنها مشۊم برییەیتۍ راوە، تەنها متاودۍ خزمەت کەردۍ. کوردۍ پێسەو خزمەتکار وینانە. پۊکەی کورد ڕاوەبەرو وێشش هورچنۊنە دەسەڵاتداری هەوڵو سەرکوتکەردەیش مڎنە.ئینەیە چکۊ ویندێش؟ هورچنییەی بەنامێ دیموکراسی ئەنجام مڎریۊ. گرڎو جەهانی فریو مڎۊ. ئینە داننیا پۊرەین بە ئیرادەو کوردا، داننیان بە مافو دیاریکەردەی ڕاوەبەرو وێشا ".

بیناو شارەوانی کریان بنکەو پۆلیسی

ئاڵاگاشە ئاماژەش پانەیەدا کە هەفتێوەن وەردەمو شارەوانی چالاکی کەرا، گرڎ ڕوێ جومعەی ئینایمێ وەردەمو شارەوانیینە و واتش: "نەک تەنیا جە ڕاو ئەرەیاونای، جە ڕاو چالاکیی جۆراوجۆرۊ قەیومی شەرمەزار مکەرمێ. پەی نموونەی  ئیسە بیناو خزمەتگوزاری شارەوانی کریان بە بنکەو  پۆلیسی. ئیتر بیناو خزمەتگوزاری نییا.

.