ئاهەنگەکاو نەورۆزی بەردەوامێنێ
چند شارێوە کوردستانینە ئاویرو نەورۆزی کریاوە و داواو ئازادیی ڕابەرو گەلو کوردی عەبدوڵا ئۆجالانی کریا.
چند شارێوە کوردستانی و ئەنقەرەنە ئاویرو نەورۆزی کریاوە. درووشمو "بژیوۆ سەرۆک ئاپۆی" و "بێ سەرۆکی ژیوای نمەبۆ" و نەورۆز مەبارەک بۆ" بەرزێ کریێوە. ورپڕای کریا و داواو ئازادیی ڕابەرو گەلو کوردی عەبدوڵا ئۆجالانی کریا.
شەرناخ
دەگاو هەسپیستو هەزەخینە شەرناخنە گەنجێ ئاویرو نەورۆزیشا کەردۆ و درووشمو "بژیوۆ سەرۆک ئاپۆ"یشا بەرز کەردۆ. گەنجێ گەرەکشابێ بەرزایی دەگێوە ئایر بکەراوە بەڵام سەروازێ ناستشا، پەوکای دلێدەگێکێنە کەردشاوە، کە تاریکش کەرد گەنجەکێ ئایرەکەشا کەردۆ و گەمێئاویرەینێشا تەقنێ و.بە درووشمو "بژیوۆ سەرۆک ئاپۆ"ی نەرۆزشا مەبارەک کەرد.
قەرس
خەڵک گەڕەکەو ئایدنلیکەڤەرو ناوەندو قەرسینە ئێرو نەورۆزیشا کەردۆ، پۆلیس هەوڵێشا دێ گەڕەکەکێ تەوقە بدانێ، بەڵام خەڵک گۆشش نەدا و ئاویرەکەشا کەردۆ. پۆلیسەکێ بە سەیارەکاشا کوشناشاوە و خەڵک یاگێتەرۆ واوەی گیسناشاناوە.
دیگۆر
دەگاو ترماشینو دیگۆرو قەرسینە ئایر کریاوە و خەڵک ورپڕێ، دەگانشینێ دماو ڕۆچەماڕای ئایرشا کەردۆ و دەورشرە ورپڕێ.
ئەنقەرە
ڕێکوزیا جەماوەرییە دیموکراتیکەکێ مامکێنە ڕاشا پیما و نەورۆزش مەبارەک کەرد. دمایی نەخشەڕاو نەورۆزیشا واناوە و بانگەوازشا کەرد پەی چالاکیی نەورۆزو ٢٤ ئاداری ئانیتپارکنە. ڕاپیمایەکەنە بەردەوام درووشمو "بژیوۆ نەورۆز، نەورۆز مەبارەک بۆ" و "بژیوۆ مدرامانو نەورۆز" ی بەرزێ کریێوە.
ئەدەنە
ژەنی و گەنجێ گەڕەکەو ١٩ مایسو یورەگیری و گەڕەکەو هاڤوزلوباخچەی سەیهانینە کوێ بیێوە و ئایرو نەورۆزیشا بە مۆسیقا و درووشمو "بژیوۆ سەرۆک ئاپۆ" و "نەورۆز مەبارەک بۆی"ی کەردۆ. خەڵک بە چەپڵێ و درووشمێ و هەلهەلێ دەورو ئاویرەکەیشا دا. پەرلەمانتارێ و کاندیدێ دەم پارتی و سەدان کەسێ بەشدارێ ئاهەنگەکەی بێنێ. ئاهەنگەکە گەنجێ پانکارتو "گرد نەورۆزێوە سەرەتاێوە تازەن"یشا بەرزێ کەردێوە و بە مەشخەڵێوە ڕاشا پیما.
ڕاپیمایەکەنە بەردەوام درووشمو "بژیوۆ سەرۆک ئاپۆ"ی و "نەورۆز مەبارەک بۆ"و "ژەنی، ژیوای، ئازادی"ی بەرزێ کریێنیوە و داواو ئازادیی ڕابەرو گەلو کوردی عەبدوڵا ئۆجالانی کریا.
