هەرێمەکاو پارێزنای میدیاینە ئاهەنگو نەورۆزی بە مەراسیمێوە سەروازیی دەسش پەنە کەرد.

مەراسیمەکەنە ئەندامو کۆنسەو فەرماندەیی یەژا ستاری خەلات شەمسە قسێش کرد. فەرماندێ یەژا ستاری خەلات شەمسە مەبارەکبایی نەورۆزیش جە ڕابەرو گەلو کوردی عەبدوڵا ئۆجلانی، ئەداو گەشمەردا و گەلی مەبارەک کەرد و واتش: "کەسێتیی مەزڵوم دۆغان، زەکییە ئالکان، بێرڤان، رەشان، سەما یوجەینە گردو گەشمەردا یادێ مکەرمێوە، دەکەینەوە، باڵاما ئاستو کۆشیای و مدرامانیشانە بە ڕێزدارییوە نامنمێرە. پێسە چەنی کاوەی ئاسنگەر بی بە هەڵوێست، بڕیار و ئیرادێوە قەوەتش دژو زاڵما بەرد ڕاوە، بە مدرامانێوە بێهامتا ژیوایش یاونا باڵاتەرین ئاست، ئارۆیچەنە گەریلاکاو ئازادی ئینەیە وەش کەرا. چێگەوە گەلی ستەموەنەکریا و چەوسیاوە سەرکەوت. ڕۆزگارو ئارۆینە وەنەپەرسایۆ جە زهنیەتو دەسەڵاتی و فاشیستا مکریۆ.  بە سەرمەشقایەتیی ڕابەر ئاپۆی تارێخ وێش خولقنۆوە. سەرو ڕێخەو وێشۆ واوەی سەوز بۆوە، مەیل پەی ژیوای ئازادی، بۆ ژیانێکی ئازادە. مدرامانێوی بێهامتا مکریۆ. ئینسان متاوۆ بواچۆ سەیەو فەلسەفەو ڕابەر ئاپۆیۆ، قەڵاو زاڵما ورۆڕە و جارێوە تەر ژیواێوە بەشکۆ، یەکسانی و ئازادیی خولقنۆ.  

خاوەنداریکەرڎەی وەنەو نەورۆزی، خاوەنداریکەرڎەین وەنەو ڕابەر ئاپۆی

پەکەکە هەقیقەتو نەورۆزین، پارتو نەورۆزین. ڕابەر ئاپۆ ڕۆو نەورۆزینە ژیوای تازەش خولقنا. پەی گردو ئینسانیەتی کەردش بە یانە. نەک تەنیا پەی گەلو کوردی، پەی گرد ئینسانێوی کە دڵش پەی ئازادیی بدۆ وەنە، ئینە کە ڕابەر ئاپۆی خولقنان پەی ژیوای گردو ئینسانیەتی یاگەدارو ژیواێوە تازەین.  

ئا دەور و هەرمانێ کە ڕابەر ئاپۆ بە ژەنێش بەخشان، جیهانەنە نموونەش نییا. ژیوای و سەرەتاێوە تازەن. کۆشیای ژەناو کوردی پەی گدو ژەناو دنیێ یارای و کۆشیاێوە گەورە خولقنۆ. ئا چێوە کە هیچ کەسێوە نەتاواش تارێخەنە بکەرۆش، ئارۆنە ڕابەر ئاپۆ وەشش مکەرۆ.  بە سەرمەشقایەتیی ڕابەر ئاپۆی میراتێوە گە وەش مبۆ، ژیوای و بییەێوە تازە خولقنۆ. پەوکای پارتو ئێمە پارتو نەورۆزین، پارتو خاوەندرایکەرڎەین جە بەهاکاو گەلو کوردی. سەرو ئی بنەمێ، حەرئینسانێوە کە شۆنەو ئازادییرە مگێڵۆ، پێویسا سەرو ڕاو حەقیقەتو ڕابەر ئاپۆیۆ هەنگامە بنیۆ. پی ئامانجەوە فاشیزمی ورشانمێوە. ئانێچ ئی ئامانجەیە سەروزا، گەلی ستەمدیدەو کوردی و گەلاو وەرکەوتو دلێڕاسەینێ، ئانە کە سەرگنۆ خەتەو ئازادیینە. پەوکای مواچمێ نەورۆز مبۆ بە  نەورۆزو ئازادیی ڕابەر ئاپۆی و نەورۆزو سەرکەوتەی ئاشتی و ئازادیی. مبۆ بە سەرکەوتەی جەنگو گەلا. ئانە کە سەرگنۆ خەتەو ڕابەر ئاپۆینە. جارێوە تەر نەورۆز وەنەو ڕابەر ئاپۆی مەبارەک بۆ، نەورۆزو گردو گەلا مەبارەک بۆ. نەورۆزو ژەنا مەبارەک بۆ. بژیوۆ ڕابەر ئاپۆ، بژیوۆ نەورۆز."

ئازادی جەستەیی رێبەر ئاپۆی مارمێ دی

گەریلاکاو ئازادیی کورڎسانی ئەم پەیامەشا بێ:  

شۆڕش بەیتوشەباپ: ئی نەورۆزەی مکەرمێنە بە نەورۆزو ئازادیی جەستەیی ڕابەر ئاپۆی، سالاو دماتەرینە  نەورۆزما قەوەتتەر و مۆراڵیتەر بۆ. نەورۆز جە گردو گەلو کوردی، ئەداو گەشمەردا، گەلو کوردی بە ڕۆحی ئارۆییماوە مەبارەک مکەرمێ.

دلگەش ئەردال: نەورۆزو ٢٠٢٤ نەورۆزو ئازادیی جەستەیی ڕابەر ئاپۆی بۆ و ئاشتی و ئازادیی پەی گردو گەلا بارۆنە.  

ئارین میلات: جەنگو ئێمەجەنگو ئازادیین، پێسەو گەریلاکاو یەژا ستاری و هەپەگەی پا ئیرادەوەنمێ جەنگو ئازادیما بیاونمێ قەلاپۆپە. ئیرادەو ئێمە گەورەن، ئازادیی جەستەیی ڕابەر ئاپۆی مارمێ دی.  

بێریتان بۆتانە: حەرگەنجێوە دڵش پەی ئازادیی مدۆ وەنە، پێویسا بەشداریی دلێ ڕیزەکاو گەریلای بۆ.  نەورۆز مەبارەک بۆ جە گرد گەل و نەتەوێوە.

سەرەڕاو وارانێوە فرەی، گەریلا ئایرو نەورۆزیشا کەردۆ و ئاهەنگو نەورۆزیشا مەبارەک کەرد.