پەی یادوو ساکینە جانسزۍ (سارا)، فیدان دۊغان (ڕۊژبین)ۍ، لەیلا شایلەمەز (ڕۊناهی)یۍ، ئەمینە کارا (ئەڤین گۊیی)ی، میر پەروەر و عەبدولڕەحمان کزڵی، کە دووۍ کۊکوشییاو دەوڵەتوو تورکینە پاریسنە مەرڎۍ، کوردستانییاو ئەورووپای و دۊسەکاشا وێشا پەی ڕاپیمایێوە گەورەی ئامادە کەرا.

چوارچوەو ئامادەکارییەکانە پەی ڕاپیمایەکەو درانسی، ڤیل لۍ بێل، گرینی، ئێڤری و ناوەندوو پاریسی، بە سەرڎای یانە و دوکانەکا، کۊبییەیۊی گردینی، ورواستەی پۊستەرەکا چالاکی کریۊ. هەرپاسە بە سەیارەو بانگەشەی، بانگەوازش پەی ڕاپیمایی ٦ کانوونوو دووەموو پاریسی گار دو نۊردی کریا.

سەیارەکە نزیکەو 12 سەعاتا دەوروو پاریسی و دەوروبەروو شارەکارە سووڕیۊوە و بە نیشانەدای ڕسم و سەرئاماو شۊڕشگێڵنە کوشیایەکا داواو 'دادپەروەری پەی کورد'ی کەرۊ.  

ئەرەیاوانیاو کۊمیتەو ئامادەکاریینە، ئامان،"جە ٦ تشرینوو دووەمینە ئێمەی کورد، چەنی هامڕایاما، هێزوو ڕێکوستەیما نیشانە مدەیمۍ و پلانەکاو پەشتەو ئا کۊکوشییا دلێنە بەرمێ".