عارف بالی، هامسەرۆکوو لوجنەو ژیۋگەو کانتۆنوو فوراتی، ئەرەیاۋناش کە پەی پارېزناو ژیۋگەی و سروشتی، زیاتەر گرنگیشا دان بە نیای نەماما و سیمینارەکا و واتش: "ئامانجما وەشکەردەی ژیۋگېوە پاک و تەمیزی و کەسێوی تەندروسیا."
عارف بالی، هامسەرۆکوو لوجنەو ژیۋگەو کانتۆنوو فوراتی، سەبارەڎ بە پارېزنای سروشتی، نیای نەماما و سیمینارەکا جە زانشتگەکا، پەیمانگا و ۋەننگەکانە بریا ڕاوە، چنی ئاژانسوو هەواڵوو فوراتی قسېش کەردۍ. یاگۍ ئاماژەیا هەنگامەی دووەمەو سیمینارەکا تا مانگەو ١١ی بەردەوامە بۆ.
حەرپاسە ڕێکوزیا و ئەرەمەرزیێکۍ جە هەنگامەو نیای نەمامەکانە بەشدارۍ بېنۍ
عارف بالی ئاماژەش پانەیچ کەرد، ساڵانە دەس بە نەمام نیای مکەرمۍ و واتش: "جە ١و کانوونوو دووەموو ئېساڵیوە دەسما بە نیای نەماما کەردەن و هەڵمەتەکۍ چېروو دروشمەو 'بە بە هۆگروو ژیۋگە'ی بە بەشداریی ڕێکوزیاکا و ئەرەمەرزیاکا دەسشپنەکەرد. دماو ٤ مانگا". جە مانگەو نیسانی ڕۊو جە ئەڎابیەو ڕابەر ئاپۆینە، هەڵمەتەکۍ لووا قۆناغەی دووەم و ۋېشۆ، حەرپاسە جە ڕاو سیمینارەکاوە گرنگی درەختی و ژیۋگەی پەی گلېرگەی ڕۊشن کریاوە.
عارف بالی واتش: "بۊنەو یاڎوو جە ئەڎابیەو ڕابەروو گەلوو کوردی عەبدوڵا ئۆجالانیۆ تا ئیساتێچە دووۍ دارسانۍ نریێنۍ و ئەرەیاۋناش، جە دەگاو سفتەکێ و جە مەحاڵەو چەلێنە دارسانۍ سەوزۍ کریێنۍ".
جە درێژەو قسەکاشەنە عارف بالی واتش: "دماو تەمام بیەی سیمیناروو ۋەننگەکا، جە تەماموو ناوەندەکانە سیمینارۍ سازۍ مکەرمۍ، بەڵام ئیساتۍ جە فرەو ۋەننگەکانە سیمنیارۍ مڎەیمۍ. چونکی ئانۍ مشۊم ئی سروشتیە پارېزنا جیلی تازەن. پۊکاتی دماو تەمامبیەی سیمیناروو ۋەننگەکا، جە ناوەندەکا و مەجلیسەکایچەنە سیمینارۍ ئەنجام مڎەیمۍ. جە دمادمایی قسەکاشەنە واتش، جە سەرووبەنڎوو ڕژێموو بەعسینە تەنیا پەی مەسڵەحەتوو ۋێشا جە بڕۍ شۊنێنە هەرمانە کەرێنۍ ئاڎیچ کاریگەریش سەروو تەندروستی بۍ.
