بە سەرۆکایەتیی کۆنگرەو گلێرگەی دیموکراتیک (کەجەدە)، جمیەرو ژەنە ئازادا (تەژەئا)، پارتو یەکسانی و دیموکراسیی گەلا (دەم پارتی) پارتو هەرێمە دیموکراتییەکا (دەبەپە)، گلێرەو پەشتیوانی و پەشتگیری وەنەو بنەیانەو قەوم و کەسوکارو بێشکێ شارستانی (مەبیا دەر)، چەنی چند ڕێکوزیاێوی تەری سەرێ قەبرسانوو کۆچکەرداو ڕاو ئازادییشا دا.

ئا بنەیانێ لیجەنە سەرێ قەبرسانو سیسی ئامەد-یسا دان، دیەنشا قەبرەکێ تێکێ دریێنێ، پا بۆنەوە ناڕەزایی وێشا بەروست. بنەیانەکێ پەیامو 'دژو ئا نادادپەروەری و دڕندەییە مرداوە'یشا ئەرەیاونا.

هامسەرۆکو مەبیا-دەر محەمەد ئەمین کلچ سەبارەت بە گەشمەرداو ئازادی و دیموکراسی واتش، کە ئادێ پەی ژیواێوی شکۆمەندانەی گیانشا بەخت کەرد. کلچ واتش: "گەشمەردێ بەردەوام دڵمانە مەناوە، ئێمە هەمیشە فەلسەفە و ڕێبازشا ئەوان کە گیانشا پەی بەخشا، بە زیندەیی مازمێوە. ئەرکو سەرو شانەو ئێمەن تا میاومێ ئامانجەکاشا، تەسلیمێ نەبیمێ و بەردەوام بیمێ جە کۆشیای، ئانێ دژو ئێمەنێ مشۆم خاس بزانا، گرنگ نییا چێش مکەرانێ، ئەگەر هەزاران ساڵێ هجووم بکەرانێ سەرما، ئی مدرامانە سەر مگنۆ."