٢٢ ئادار هۆڵو نەتەوەکاو مۆسکۆینە بە بەشداریی دەیان کەسا نەورۆز بە جۆشێوە مەبارەک کریا. نوێنەراو گەلو کوردی و فارسی و قازاخ و قەرقیز و تاجک و ئۆزبەک و تورکمانی بەشدارێ بێنێ. نمایشی ڕەنگینی نەتەوەیی تەختەو شانۆکەیشا نەخشنا. ڕاوەبەرو یانەو نەتەوەکاو مۆسکۆی، سێرگی ئانۆفرینکۆ بەخێرئامای ئامادەبییاش کەرد و نەورۆزو گردیش مەبارەک کەرد.

هەرپاسە نوێنەراو کوردی ئاهەنگەکەنە بەشدارێ بێنێ، گوهارا حەسەنێ ئاهەنگەکەنە نوێنەرایەتیی گەلو کوردیش کەرد و گۆرانییەو کچی کوردانی و نەورۆزیشپێشکەش کەرد. جەژنەو نەورۆزیش پێسە سیمبولو یۆبییەی و واڵە و برایی گەلا مەبارەکە کەردە و سپاسو ڕێکوزاو  ئاهەنگەکەیش کەرد، سوپاسو وەڵاتەکەیش کەرد ڕا مدۆ بە نەتەوەکا بە چاندو وێشاوە بژیوانێ.