بە ئاماڎەبیەو بنەیانەکاو گوڵپی و ڕۊشنویراو گوڵپی و ژمارێوە فرە جە کەسایەتیا و ڕۆشنویرا دەگایەکا تەرو هەورامانی، جە دەگاو گوڵپینە پەردە سەروو کتیٛبو (باسێوی فەرهەنگی دەگاو گوڵپی) لادریا.
ئارۆ، جمعەی ڕیٛکەوتو ١٩/٤/٢٠٢٤ سەعات دویٛو دمانیمەڕوٙی جە دەگاو گوڵپی مەڕاسیمو پەردەلادای سەرو کتیٛبو دەگاو گوڵپی لوا ڕاوە. بەسەرپەرشتی یانەو سیاوچەمانەی جە مەڕاسیمەکەنە هورسەنگنای پەی دلیٛگەرو کتیٛبەکەی کریا جە لاو ماموٙسا ئیبراهیم مەیکەیوە. دماتەر واتەیوە-قسێوە سەرو ڕازەو نویستەیو کتیٛبەکەی جەلاو نویساو کتیٛبەکەیوە (د. ناجح گوڵپی). جە کوٙتاو ئاهەنگەکیٛنە بەخشنای کتیٛبەکەی ملو ئامادەبیارە. جە ئاهەنگەکەنە بنەیانەکاو گوڵپی و ڕوٙشنویراو گوڵپی و ژمارێوە فرە جە کەسایەتی و ڕۆشنویرا دەگایەکا تەرو هەورامانی، ئامادیٛ بییێ. موختاریٛ دەگایەکاو هەورامانیچ چا بێنێ پەی ئی ئاهەنگیٛ. و هانێ دریێ گرد دەگایوە تەقەلا بدوٙ سەرو دەگاکیٛش بنویسوٙنە پەی ئانەی ویەردەما بارمیٛوە وەرۆ پەی وەچەی تازەی.
