ئەڎاو ساکینە جانسزۍ ڕەوانەو خەسەخانەی کریا
ئەڎاو ساکینە جانسزۍ ، زەینەب جانسزە یووە جە کادرە ئەرەمەرزنەرەکا پەکەکەی ڕەوانەو خەسەخانەی کریا.
زەینەب جانسزە (٨٨ساڵ)ە ئەڎاو ساکینە جانسزۍ یووە جە سەرمەشقا پەکەکەی کە جە کانوونو دووەمو ٢٠١٣ینە جە پاریسو پایتەختو فەڕەنسای گەشمەرڎۍ کریا، ڕەوانەو خەسەخانەی کریا. بە پاو زانیارییەکا زەینەب جانسزە کۊتێنە و هەرپاسە ڕەوانەو خەسەخانەو دۆڵەتی چیگلی کریێنە.
هەرپاسە باس چانەیچ کریان ئاژەو زەینەب جانسزۍ خاس نییا. زانیان جە دماو ئانەی ئاژەو زەینەب جانسزۍ بەرەو خاسی بلۆ، جە ڕوانی ئایندەنە عەمەڵش پەی مکریۆ.
