چالاکیی مانگێرتەی جە وارڎەی، کە بە شێوەی نۊرەیی زینڎانەکانە پەی ئازاڎیی جەستەیی ڕابەروو گەلوو کوردی عەبدوڵا ئۊجالان و چارەسەروو پەرسەو کوردی دەسش پەنە کەرڎەن ئینا ڕۊو ٢٥ەمینینە. هاموەخت چالاکیی ئێشکگێریی داڎپەروەری، کە لاو ئەڎایاوە فرەو شارانە دەسش پەنە کەریان بەرڎەواما.

چالاکیی ئەڎایا خێرامای گەرمش وەنە کریان و ڕوانە  فرەو کەسا پەی بەروستەی پەشتیوانیی وێشا سەرشا مدا. ئەدێکۍ واتشا تا داواکارییەکێشا نەیاویا یاگۍ، درێژە بە چالاکیی ئێشکگێریی مدا.  

' تا گۊشەگیری بەرڎەوام بۊ، ئێمە وێگێری کەرمۍ و یەک هەنگام پاشەکشۍ مەکەرمێ'

عەفیفە کارتاڵە  ئەڎاو زینڎانیی محەمەد کارتاڵی واتش، تا گۊشەگیری سەروو عەبدوڵا ئۊجالانیوە بەرڎەوام بۊ، گۊشەگیرکەرڎەی گلێرگەیچ بەرڎەواما و جەختش کەرڎۊ، تا ڕۊڵەکێما جە مانگێرتەینە با ئێمەیچ بەرڎەوامۍ بیمۍ جە چالاکیەکەیما. هەروەخت داواکارییەکێما یاویۍ یاگۍ ئا وەخت ئێمەیچ دمایی بە بە چالاکیی ئێشکگێریی مارمێ. ئەڎالۍ جە تورکیانە و کوردستاننە و تەنانەت ئەورووپایچنە با بە دەنگوو ڕۊڵەکاشا و دژوو گۊشەگیری دەنگ بەرز کەراوە. داوا ونەو گردی کەروو، مەبۊ گەلوو کوردی بێدەنگ بۊ. مشۊم دەنگوو ڕۊڵەکاما بیاونمۍ زینڎاننە، بژنەویۊ".

'زینڎانییەکا بە تەنیا جیا نمازمێ'

ئەمینە داغە ئەڎاو گوڵیستان داغی زینڎانیی سیاسیی واتش، "رۊڵەکێما داواو دماییئارڎەی بە گۊشەگیری کەرا، ئێمەیچ داواکارێنمی ئا گۊشەگیرییەو سەروو ڕابەرایەتی دەسش پەنە کەرڎەن سەروو تەماموو زینڎانەکا و گەلوو کوردیرە وەڵا بییەنۊ، دمایش پەنە باریۊ. گەرەکمانە ڕۊڵەکێما دلۍ هەلومەرجی ئینسانانەینە  بژیوا. تا ڕۊڵەکێما مانگێرتەینە با ئێمەیچ چێگە ئێشکگریینە بیمێ. سڵام وەنەو سەرجەموو ئا ئەڎایا کەروو، کە بەشدارییشا ئێشکگێریینە کەرڎەن و سڵام جە سەرجەموو ئەڎایاو زینڎانییا، ئەڎایاو گەشمەردا و گەریلاکا کەروو، بیمۍ بە  دەنگوو زینڎانییا و بەتەنیا جیاشا نمازمێ".

'بڕواما بە ڕابەر ئاپۊی و گەنجاو کوردی هەنە'

قەومێوی زینڎانی سیاسیی موشەهەر ئولکەری واتش، ماوەو چندین مانگان هیچ هەواڵێوە عەبدوڵا ئۊجالانی نییا و واتش، "پاڕێزنەرۍ مەتاوا بویناش و زانیارییش سەر بزانا. پی کرڎەواگەرەکشانە ئێمە تەرسنا. گەرەکشانە یانەنە بنیشارە و نەیا سەروو جادەکا. ڕابەرایەتی کەشۊ هەنگامێوەش نیا و ٤٥ ساڵێنە بیێنە دەیان هەزار هەنگامێ. کەس مەتاوۊ تەرسنۊما. سڵام جە گردوو ئا ڕۊڵاما کەروو، کە جە دژوارتەرین بارودۊخەنە سەرە وەرڎەموو فشاری و ستەمینە مەکۊمنارە. سەرکەوتەی پەی چالاکییەکەیشا موازوو. نمەتاوا دمایی پی گەلەیە بارا. وەهارێنە ئێمە چەنی سروشتی زینڎۍ بیمێوە و واوەی پەیدۍ بیمێوە. وەراوەرەکێما ئینسانۍ نییەنۍ، مەزانا ئینسانیەت چێشەن. جەنازەکاما مەداوە و سووکایەتییشا پەنە کەرا و دلۍ سندۊقانە، سۊچناشا و کۊکوشیی کەرا. گەنجاو کوردی وەرەچەماو گەلوو کوردیوە کوشا، دژوو گردوو ئا بەزما ئامێنـمێ. سەرباروو ئانریچە مەتەرسمۍ و هەنگامۍ پەی دمای مەنیەیمێ. گەلوو کوردی متمانۍ و بڕوای تەمامەش بە کەشەکاو کوردستانی، بە گەنجاو کوردی و بە سەرۊک ئاپۊی هەنە. کە بڕوا و متمانێنە بەرەو ئازاڎیما بەرۊ. منیچ زینڎانەنە بیێنا و ڕووبەڕوو ئەشکەنجەی بیێناوە. دەسما جە کۊشیای ورنەگێرت و دەسبەردارێش نەبییەیمۍ ئێمە بە مدرامان سەرۍ گنمۍ ".

'ڕۊڵەکاما بە تەنیا جیا نمازمۍ '

ئەڎاو زینڎانی سیاسی حەلیمە تۊپوزە واتش، کە جەرگوو ئەڎایا ژانی کەرۊ و واتش، ژیوگە، کولتوور، تارێخ، ژەنی، زارۊڵۍ، گەنجۍ و گرد لێوە گۊشەگیرۍ کریێنۍ و پێسە بەرڎەوامە بییە: "پەشتیوانی وەنەو مدرامانوو ڕۊڵەکاما کەرمێ. ئاشتی و ئازاڎیما گەرەکا و جەنگو مەرڎەیما گەرەک نییا.  داواکاریی ڕۊڵەکاما، داواکاریی ئێمەیچا. ڕابەر ئاپۊ ڕابەروو ئی گەلەینە. با گۊشەگیری دماییش بۍ و دیدار نەکریۊ، حەرکەسێوە ساعیب ویژدان گۊش پەی ئا داواکارییا گێرۊ. ئێمە داواو داڎپەروەری کەرمێ. با دەنگمان بژنەویۊ وان، ئیستەنبوڵ، ئەدەنەنە و فرەو شارانە ئەدۍ دەسشا بە چالاکیی کەرڎەن، سڵام جە چالاکیی زینڎانییا و سەرجەموو ئەڎایا کەروو".