ئاژەی دماینو جەنگی جە بەرەو تشرینی
دۆڵەتو تورکی ئەرەگیری جە بەرەو تشرینینە هێزەکاش زیاڎ مکەرۆ و بە گرڎ جۊرۍ جە ئاسمان و زەمینۆ هرووژم مکەرۆ، جە ۋەرا ۋەرو ئا هرووژمانە جەنگەوانا قەسەدەی و یەپەژەی ئینۍ مڎرامانێوە بێهامتانە.
بەرەو تشرینینە جەنگێوە سەخت ئینا ئارانە. سوپاو دۆڵەتو تورکی ئینا لەشکرکێشیۍ سەرەمڕەنە و بە گرڎ جۊرۍ جە ئاسمان و زەمینۆ هرووژم مکەرۆ، جە ۋەرا ۋەرو ئا هرووژمانە جەنگەوانا قەسەدەی و یەپەژەی ئینۍ مڎرامانێوە بێهامتانە.
بەنداوو تشرینی ئینا چێرو هەیمەنەو هێزەکاو قەسەدەینە، بەڵام بەنداوەکە بە مەڵامەتو هرووژمەکا دۆڵەتو تورکی و چەتەکاشۆ بە تەمامی جە بەرهەئاوردەی وزەو کارەبۍ مردان. سەرەڕاو گرڎو هرووژمەکا جەنگەوانا قەسەدەی و یەپەژەی ئینۍ مڎرامانێوە بێهامتانە و وەرگیری جە بەنداوەکەی مکەرا.
بە پاو زانیارییەکا دۆڵەتو تورکی ئەرەگیری و چەتەکاش پلانەو ئانەی مجارە کە چا هێڵێوە هرووژمێوە ئەرەگیری ڕوو بە کۆبانێ ئەنجام بڎا. ئی ئاژە پارێزنای بەنداوو تشرینی و هەرێمەکەی زیاتەر مکەرۆ.
بەنداوو تشرینی کە جەنگێوە سەختش سەر مکریۆ، بە مەڵامەتو هرووژمە ئەرەگیریەکاو جە ١٠و کانوونو یووەمیوە جە بەرهەمئاوردەی کارەبۍ مردان و شارو کۆبانێ بە تەمامی بێ کارەبا بیەن.
ئەرەگیرا جە ١١و کانوونو یووەمیۆ سەرو ڕاو بەنداوەکەیۆ بۆمبوارانو ئەمبۆڵانسێوەشا کەرد و جە ئاکامەنە سایەقەکەش و سەرنشینێوە گەشمەرڎۍ بیۍ.
فەرماندەیی سەروازی منبجی جە ١٣و کانوونو یووەمینە بە ئەرەیاۋنێوە ئاشکراش کەرد جە ماوەو یەرۍ ڕوانە ٢١٠ چەتۍ کوشیێنۍ، ٣٩ ترۆمبێلۍ سەروازیۍ و ٦ تانکۍ دلێنەبریێنۍ و ٥ فڕۆکۍ بێ فڕۆکەوانێچ وزیێنێرە واری.
