ڕۆو چوارشەممەی دماو کۆبییەیۆ سەراو ٢٧ وەڵاتە ئەنداماو پەرلەمانو ئەورووپای برۆکسلنە، سەرۆکو پەرلەمانو ئەورووپای چارلس میشێل واتش؛ دماو هجومەکەو ئێرانی پەی سەرو ئیسرائیلی، قەرارشا دان، بڕێو قەرارۍ سەرو ئێرانیرە بسەپنا.

چارلس واتش: "قەرارما دان، قەرارۍ تازۍ سەرو ئێرانیرە بیاونمۍ یاگێ، گەرەکمابۍ پەیامێوی ڕۆشن بدەیمۍ و ئامانجما فشاروسستەین سەروو کۆمپانیاکاو وەشکەردەی درۆنی و مووشەکی."

ئی قەرارۍ ئینۍ وەختێونە دماو ئانەیە ١و نیسانینە ئیسرائیل هجومش کەرد سەرو کۆنسوڵخانەو ئێرانی جە سوریانە، دمایی جە جوابوو ئا هجوومەینە ئێران  شەوەو یەرەشەممەی بە مووشەک و درۆن هجومش کەرد سەرو ئیسرائیلی.