یۆبییەی ئیکۆلۆژی تیشکەش وستە سەروو ئاویرەکەو کوردستانی، واتش وەروو ئانەیە وەختوو وێشنە نامێ دەمشۆ کارەسات قۆمیان، ناڕەزایەتیی وەراوەروو دەوڵەتی و ئەرەمەرزیاو بەشکەردەی کارەباو دیجلەی (DEDAŞ) نیشانە دا.
ئاویرێوە بەینوو مەنتێقەو چناروو ئامەدی و شەمرەخوو مێردینینە کەوتۆ و ١١ کەسێ مەردێ و ٤٤ کەسێ بریندارێ بیێ، برینوو ١٠ کەساشا سەختا؛ چی بارەوە یۆبییەی ئیکۆلۆژیی ئەرەیاوناێوەش وەڵا کەردۆ.
یۆبییەیی ئیکۆلۆژی ماچۆ بۆنەو کەمتەرخەمی و کەمیی خزمەتگوزاری لاو دەوڵەتی و ئەرەمەرزیاو بەشکەردەی کارەباو دیجلە (DEDAŞ)یوە بۆنەو پڕچنای تەلوو کارەبێوە ئاویر کەوتەنۆ، ماچۆ: "ئی خەمنەواردەیە مایێ کەوتەیوە ئاویرەکەی بییەن، مایێ قبووڵکەردەی نییەن".
یۆبییەی ئیکۆلۆژی تیشکە موزۆنە سەروو قەبارەو زەرەرە گیانی و ماددییەکا وماچۆ: "حەرچند ساڵانە مانگەکاو هامنینە ئاویر مگنۆوە، ئەرەمەرزیایەکاو دەوڵەتی هیچ ڕاکارێو نمەگێرانە وەر، بۆنەو نەبییەی فریاکەوتەی کاریگەریوە و بەکارناردەی هەلیکۆپتەری پێویسیوە پەی کوشایۆ ئاویرەکەی عاسمانۆ، ئاویرەکە فاڕیا پەی کارەساتێوی گەورەی.مەنتێقەو ئاویرکەوتەیوەکەی، هەڵای پێویسییش بە دەسووهامکاری و پەشتیوانیین. داوا مکەرمێ پزیشکێ ڤێتێرنەری دەور بگێڵنا جە چارەسەروو ئا ئاژەڵانە کە بۆنەو ئاویرەکەیوە زەرەرشا پنە یاوان".
