یۆبییەو هێزە دیموکراتیکەکا ئەوروپای (ئەدەگەبە) ئەرەیاوناش سەبارەت بە ڕووەداکا سووریای، سەرنیشتوو-وەرکەوتوو سووریای و ژەنێ جە بنیادنییاو سووریاینە جە ٤ و کانوونو دووەمو ٢٠٢٥ینە جە ستراسبۆرگەنە کۆنگرێوە ڕۆنامەوانی جەماوەری ئەنجامڎۆ.

جە ئەرەیاوناکەو ئەدەگەبەینە وچیا: "پەی مردنای کۆمکووژییەکا جە سووریا و سووریای دیموکراتیکینە گلێرێ بیمێ".

هەرپاسە جە ئەرەیاوناکەو ئەدەگەبەی وچیا: "هەیئەی تەحریر ئەل شام (هەتەشە) کە بە پەشگیری هێزە ئیمپریالیستەکا و دۆڵەتە ئەرەگیرەکا ڕژێمو ئەسەدیش وڕنا و دەسەڵاتش بە دەس ئارد و سوپاو نەتەوەیی سووریا (NSA)ی ئینا چێرو کۆنتڕۆڵو تورکیاینە، گەرەکشانە سوریایێ بنیاد بنیا کە جگە چاڎیشا کەس مافو ژیوایش نەبۆ. گلێرگە کۆنەکا سوریای عەلەوی، کریستیان، کورد، سریانیەکا، دروز، گردو چین و توێژە عەلمانیەکێ گلێرگەی و ژەنی ئینێ چێرو هەڕەشاو هێزە جیهادیستییەکانە.

'ئیایمۍ چنی ئەرەکۆشای سووریای دیموکراتیکی'

کۆنگرە ڕۆنامەوانییە جەماوەرییەکەو ستراسبۆرگی کە جە لایەنو فیدراسیۆنو عەلەوییە عەرەبەکا ئەوروپای و کۆنفیدراسیۆنو یۆبییەی عەولەوییەکا ئەوروپایۆ ملۆ ڕاوە، پەی ئاماژە کەردەی بە تەرسێ و ئاگادارکەردەیۆ ڕاو گردی مییاننەتەوەیی بۆنە بە گلێرۆبییێ گرنگ. پێسەو یۆبییەی هێزە دیموکراتیکەکا ئەوروپای پەشگیری بەهێزێ بیمێ جارێوە تەر بانگەواز مکەرمێ کە گەلا سووریای بە تەنیۍ نییەنێ و ئینایمۍ چنی ئەرەکۆشای سووریای دیموکراتیکی.

با جە ٤ و کانوونو دووەمو ٢٠٢٥ سەعات ١١:٠٠ جە ستراسبۆرگ گلێرێ بیمێ، پەی سووریایێ دیموکراتیکی نەک شەرعییەتپەرەس، داوا جە ڕاو گردیی مییاننەتەوەیی مکەرمێ کە هەڵوێس هورگێرا".

٢١ ڕێکوزیێ و ئەرەمەرزیۍ جە کۆنگرە ڕۆنامەوانییەکەو ستراسبۆرگینە بەشدارێ بانە.