ئۆگور شاکار ساڵەو ٢٠١٩ پۍ شەرمەزارکەردەی پیلانگێڵنی میان نەتەوەیی و گۆشەگیری سەروو ڕابەروو گەلوو کوردی عەبدوڵا ئۆجالانی ۋەروودەم و دادگاو کریفیلدینە ئێرش جە جەسڎەیش ۋەردا و گەشمەرڎە بی، سەروو قەبرەکێشۆ جە قەبرسانوو نیوفریدهۆفینە جە نویس یاڎش کریاوە.

هامسەرۆکەو فیدراسیۆنوو گلێرگەو کوردسانیا جە ئەڵمانیا (کۆن-مەد) ڕوکەن ئاکچایە، نوێنەرەو جەمەو بنەیانەو گەشمەرڎا (کۆماو)ی شەنگە قارەمانە و ژمارێوە جە کوردسانیاو هامخەباتا ئۆگور شاکاری جە یاڎەکەنە بەشدارۍ بیۍ.

جە یاڎەکەنە وچیا: "ئاڎ دڵسۆزی و باوەڕی ۋێش بە ڕابەر ئاپۆی بە سۊچنای جەسڎەیش بە جەهانیش ئەرەیاۋنا. بە چالاکییە قارەمانانەکەیش، ئیراڎە و دڵسۆزی ۋێش جە کۊشیای دادپەروەری و ئازاڎینە نیشانەدا. وەزیفەمانە یاڎوو ئاڎیی بە زینڎەیی بازمێوە و درێژە بە کۊشیایش بڎەیمۍ. ڕاو ئاڎیی، هیوا و ئایدیاکا ئاڎیی حیچ وەختۍ جە یاڎ مەکریا. گیانە ئازاکۍ هامشێوەو ئاڎیی، هەمیشە سەرچەمەو جوانی و ئیلهامین پۍ کۊشیایما".

یاڎەکە بە درووشمەکا "گەشمەرڎۍ مەمرا" و "بژیۋۆ سەرۆک ئاپۆ" دمایش پنە ئاما.