داکۆکیکاروو مافەکاو ئینسانی ئەحمەد ئەسەدی لە فاس، ئانەش وست ڕووە، کە ڕابەروو گەلوو کوردی عەبدوڵا ئۆجالان سەرکردێوەن پێسە ماندێلای لوان دۍ تارێخێوە و واتش: " تا ئۆجالان دەوروو ڕابەرێتیی وێش ورگێرۆ مشۆم دەمودەس ئازاد بۆ".
نویسەر و ڕۆشنویر ئەحمەد ئەسەدی باسوو سەرسامیی وێش بە فکر و فەلسەفەو ڕابەروو گەلوو کوردی عەبدوڵا ئۆجالانی کەرد. حەرپاسە ئەسەدی ئاماژەش پانەیە کەرد، کە ڕۆ بە ڕۆ فکر و پارادایموو ڕابەر ئاپۆی جیهانەنە وەڵا بۆوە، پەوکای فرەو کەسی ماچا یۆشییەی و خاڵۍ هامبەشۍ فرۍ هەنۍ بەینوو عەبدوڵا ئۆجالانی و سەرکرڎەو ئەفریقاو پانیشتی نێلسۆن ماندێلاینە.
ئەسەدی باسش جە پیلانگێڵنیی میاننەتەوەیی سەروو ڕابەروو گەلوو کوردی عەبدوڵا ئۆجالانی کەرد و واتش: "بەگردی سەرکرڎەکۍ یا سیاسییێنۍ یا سەروازیێ، وەلۍ بەڕێز ئۆجالان جە هەردووە لایەنەکەوە سەرکرڎەن. جگە ئانەیە چارەکە سەدێوەن ئینا زینداندانەنە، ئیرادەش مەوڕۆ. ئینە سەرکەوتەێوە گەورەن، پەوکای من بەشداروو دلۍ فکر و فەلسەفەو بەڕێز ئۆجالانی بیا. نیلسۆن ماندێلا زیندانەنە خەباتێوە گەورەش کەرد و باروو گردوو گەلاش گێرتەن گەرڎەن، بە هەمان شێوەیچ پەی ڕابەر ئاپۆی هەمان خەبات کەرۆ. دەوڵەتوو تورکی بە عەقڵێتێوە پاوانوازانەوە وەڵاتی بەرۆ ڕاوە، حەرچندە جار جار دیموکراسییش چەنەن، وەلۍ هەمیشە زوڵمش وەنەو گەلوو کوردی کەرڎەن. گەلوو کوردی گەرەکشا دەمودەس ڕابەر ئاپۆ ئازاد کریۆ، چونکوم سەرکردێوە گرنگا و متاوۆ ئاشتی و دیموکراسیی تورکیانە بونیاد بنیۆ. پەوکای مشۆم جیای زیندانی بەرۆ بۆ و پەی بنیادنیای ئاشتی و دیموکراسی بۆ بە ڕابەر. وەلۍ بەداخۆ سوپاو تورکیای گەرەکش نیا جە گرنگیی ئی دۆخەیە بیاوۆنە. پەوکای من جارێوە تەر ماچووشۆ کە بەڕێز ئۆجالان کتێبۍ گرنگێش نویستێنۍ و من سەرساموو فکر و پارادایمیش بیا. هەمان تایبەتمەندی بەینوو گەلوو کوردی و گەلوو ئەمازیخیینە هەن، وەروو ئانەیە هەردووە گەلۍ پەی ژیواێوە شکۆمەندانەی کۆشیا، باوڕم پاسەن گەلوو کوردی و گەلوو ئەمازیخی بە خەباتوو وێشا میاوا و سەرۍ گنا.
