یەجەوەکە جە شاروو ئەدەنەی ئاێرش جە کارگېوە فاشیستا ۋەردا
یۊبیەی گەنجا وڵاتپارێزوو کوردسانی (یەجەوەکە) ئەرەیاوناش: جە مەنتیقەو سەیهانی سەر به ئەدەنەی کارگېوە سەر به هامکارەکا ڕژێموو فاشیستاشا سۊچنان.
یەجەوەکە جە ئەرەیاۋنېوەنە ئاشکراش کەرڎ، تا ئا وەختەی ئازاڎیی جەستەیی ڕابەروو گەلوو کورڎی عەبدوڵا ئۆجالانی مسۊگەر بۊ، ئی چالاکیۍ بەردەوامۍ با.
حەرپاسە یەجەوەکە ئەرەیاۋناش، کە جە شارە گەورەکا تورکیاینە جوابوو هجومەکا سەروو ۋەرنیشتی مڎاوە و ۋاتش: " دژوو گۆشەگیری و گرڎوو هجومەکا، یەکینەکۍ ئێمەی یەجەوەکە جە ٥ و تشرینی یۋەمینە جە مەنتیقەو سەیهانی جە ئەدەنە نزیک بە سەعات ٢٢:٥٠ دەیەقا کارگەو لاسێقوو کۆنتینەنتاڵی سەر بە هامکارێوە ڕژێموو فاشیستی ئاکەپە-مەهەپەیشا سۊچنان. فاشیزم جەیانەو ۋېشەنە باجوو گرڎوو هجومەکاش مڎۊ”.
