ئەلیف گەنچە کە خاوەنەو دکتۆراو مرۆڤشناسینە جە زانکۆو تۆرۆنتۆینە و هامکات هامسەرۆکەو میانو جەمەو کوردی کەنەداینە، چالاکانە هەتمانە سەرو بانگەشەو هورچنییەی مکەرۆ. ئەلیف گەنچ ەئاماژەش پانەیە لەرد، جە ناوچەکەنە ٥٠ پەی ٦٠ هەزار کەسێ کوردی بییەیشا هەن و گەرەکشا هامکاتەنە دەنگو کوردا بەدەس بارۆنە و جە ئەوەکۆشای دیموکراسی و هەلو هەرمنێنە جە کەنەدانە هامکار و پەشتیوانو گەلەکەیش بۆنە.

"گەرەکما بونە بە دەنگو کوردا"

ئەلیف گەنچە سەبارەت بە پڕۆسەو هورچنییەکا بەیاننامێوەش وەڵاکەردۆ و مەڵامەتو وێکاندید کەردەیش پەی پەرلەمانی ڕۆشنکەردۆ: "من کەسێوە ئەکادیمیسیەنەنا و نامێ کوردیۆ جە مییانو جەمەو کوردی جە کەنەدانە ئەوەکۆشای مکەرو. چی هەرێمەنە  بەهەزاران کوردێ هەنێ و کێشێ جددییشا هەنێ. ئێمە بەمەڵامەتو پەنابەری و بێ هەرمانی و قەیرانەکا تەرێ ئینایمێ دۆخێوە فرە زەحمەتەنە مژیومێ. پۆکەی گەرەکما یارمەتی گەلوو کوردی دۆنە، ئامێنا بوو بە دەنگو ئاڏش. هەرپاسە گەرەکما هامکاری چینو کرێکاری و وەرگری جە مافەکا گەلەکەیم بکەرو."

ئەلیف گەنچە بە ئاماژەدای پانەی کە جە نزیکۆ لواشۆنیرە پەی ڕووەدایە سیاسییەکا تورکیای و کوردەسانی مکەرۆ، جەختش چانەیە کەردۆ کە سیاسەتەکێ قەیومی و فشرەکێش قەبوڵکریێ نییەنێ. گەنچەبە ئاماژەدای پانەی کە مشۆم دان بە مافەکا گەلوو کوردی نریانە، واتش: "ئێمە گەرەکمانە بەڕێز عەبدوڵا ئۆجالان ئازاد کریۆنە. تا مافو گەلەکەیما بەڕەسمی دانش پۆرە نەنریۆ، ئاشتی بەدی نمێنە. ئەر حکومەت ئاشتیش گەرەکا، مشۆم جا بارۆ هەنگامێ جدیێ نریانە."

گەنچە بە ئاماژەدای پانەی کە متمانەم بە ئەنجامدای ئەرێنی هورچنییەکا هەن، واتش: "دەنگو کوردا و ئەرەنیشتا ناوچەکەیم گەرەکێنێ، چەمەڕاو پەشتیوانی گرڏ لێوە مکەرو.

ئەلیف گەنچە کێنە؟

ئەلیف گەنچە، کە جە زانکۆو تۆرۆنتۆی واناو دکتۆرای مرۆڤشناسی وانۆنە، سەرو جمیەرەو ژەنا کوردی و ئەوەکۆشایش چبەرو وڵاتی هەرمانێ ئەکادیمیس ئەنجامدێنێ. گەنچە جە شارو تۆرۆنتۆینە جە ئەڏابییەنێ و گۆرێ بییەنە. تاتەش خەڵکو ئێلحینە و ئەڏاش کاناداییەنە. جە تەمەنی هەرزەکارینە لوێنە دلێ جەمە کوردییەکاوە و بە خەباتو ئازادیی گەلیوو کوردی  ئاشنا بۆنە. جە تەمەنو ١٦ ساڵییۆ چالاکانە بەشداری جە جەمە کوردیینە کەردێنە و خەباتش کەردەن. سەرو شناسنامە و شوناسو کوردی چبەرو وڵاتی و جە بزووتنەوەو ژەنانە هەرمانێوە فرە ئەکادیمیەش کەردێنە.