'ئێمە بە چالاکیی قەوەتتەر، هجوومەکا ماڕمێ'
گەریلاکاو هەپەگەی ئاندۆک گابار و ڕێناس جودی ئاماژەشا بە مدرامانی بێهامتاو گەریلاکا ساڵەو ٢٠٢٣ کەرد و واتشا، سەرڎەمی تازەنە بە چالاکیی قەوەتتەر، هجوومەکاو دەوڵەتوو تورکی ماڕمۍ.
جە گەریلا ئینترناسیوناڵیستەکا ئاندۆک گابار، کە خەڵکوو ئەڵمانیاین و ڕێناس جودی کە عەرەبا، بارەو ئامادەکارییەکاو سەرڎەمی تازەیۆ قسێشا پەی ئاژانسەکەیما کەردۍ.
ئاندۆک گابار باسوو ئانەیش کەرد، کە وەراوەروو هجوومەکاو دەوڵەتوو تورکینە بێوچان ئینۍ ئامادەکاریینە و واتش، "دەوڵەتوو تورکی بە پەشتیوانیی ئەڵمانیای و ناتۆی چەکی کیمیاوی و ئەتۆمییش سانان. دژوو فاشیزموو ئی دەوڵەتی و هجوومەکاش، ساڵەو ٢٠٢٣ێنە هامڕێما گر یاگێونە مدرامانی بێهامتاشا کەرد. ئێمە بە هۆشیاری و بڕوێوە بەرزەوە وێگێریی کەرمۍ. ساڵەو ٢٠٢٤ینە ئێمە ئاستێوە تازەو سەرکەوتەی دەس وزمۍ. داوا وەنەو گردوو ئانیشا کەروو کە ئەڵمانیانە مژیوا و ماچا ' تارێخوو وێماوە فێروو بڕۍ چێوی بیێنمۍ ، مشۆم ڕووەو ئا تاواناو دژ بە ئینسانیەتی و بەتایبەتی دژوو گەلی کوردیرە چەمۍ قووجنا و پێویسا هەڵوێستێوە وەرەچەم نیشانە بدا".
گەریلاو هەپەگەی ڕێناس جودیچ ئانەش وست ڕووە، کە فرەو لایەناوە ئامادەکاریی کەرا و واتش، "جەنگوو تونێلەکانە ئێمە ئەزموونی خاسما دەس وست. ماوەکای تەرنە ئێمە پتەوتەرش کەرمۍ. دەوڵەتوو تورکی ئەرەگیری بە چەکی قەدەغە هجووم کەرۆ سەرما. ئێمە بە ئامادەکارییەکاماجوابش مدەیمێوە و ئا هجووما ماڕمێ، سەروو ڕاو مدرامانوو هامڕایاماوە سەرێگنمۍ ".
