ئەمینە شەنیاشارە: بەڵگەکێشا شارتێوە، یەڵدزی ئاکەپەیی بکوشا
چالاکیی ئێشکگێریی ئەمینە شەنیاشارێ پەرلەمانەنە بەردەواما، واتش: "بەڵگەکێشا شارتێوە، خەلیل و بنەیانەکەش بکوشێنێ، دزێنێ، گرد لاێوە مزانا".
١٤و حوزەیرانوو ٢٠١٨ پیرسوسنە، مێرد و دووە کوڕەکێش ئەمینە شەنیاشارە پاسەوانێ و قەومەکاو پەرلەمانتاری وەڵینوو ئەکەپەی ئیبراهیم خەلیل یەڵدزی کوشتێ و کوڕێوەش کریا زیندان. چالاکیی دادپەورەوریی ئەمینە شەنیاشارێ وەردەموو پەرلەمانینە ١٥ ڕوێن بەردەواما.
ئەمینە شەنیاشارە و کوڕەکەش، پەرلەمانتاروو پارتوو یەکسانی و دیموکراسیی گەلا (دەم پارتی) فەرید شەنیاشار کە هجوومەکەنە بریندارێ بیێ، وەردەموو بەرەو فراکسیۆنوو دەم پارتینە چالاکییەکەشا دەس پەنە کەرد، ئەمینە شەنیاشارە بە کورسی جووڵیا ئاما دلێ چالاکییەکەیوە و پانکارتوو "دادپەروەری"یش هورگێرت و داواو دادپەروەرییش کەردە پەی کوڕەکەیش.
ئەمینە واتش: "بەڵگەکێشا شارتێوە، کوڕەکەمشا گێرت، پینەیچۆ نەمدرێ وستشا زیندان، خەلیل و بنەیانەکەش بکوشێنێ دزێنی گرد لاێوە مزانا، کوڕەکەیم ئازاد بکەردێ".
پەرلەمانتاروو جەهەپەو ئەنقەرەی، ئۆکان کۆنورالپ سەرێ ئەمینە شەنیاشارێش دا.
