ئەندامو پەرلەمانو ئەوروپای نیکۆلای ڤیلومسن، دەربارەو ورکوایسەرو بیناو مەدیا خەبەری و ستێرک تیڤی لاو پۆلیسو بەلژیکایۆ، واتش: "ستەمو ئەردۆگانی جە یۆبییەی ئەوروپاینە ڕاش نمەبۆوە! نمەبۆ ڕۆنامەوانێ دگیریا، بەڵکوم مشۆم بپارێزییا!".
ئەندامو پەرلەمانو ئەوروپای نیکۆلای ڤیلومسن کە نوێنەرایەتیی یۆبییەی سور-سەوزو دانیمارکی مکەرۆ، ناڕازەیەتییش بەروست دەربارەو هجوومو بەلژیکای پەی سەرو ستێرک تیڤی و تەلەفزوێنو مەدیا خەبەری.
ڤیلومسن هەژمارو وێش تۆڕەو کۆمەڵایەتیی ئێکسینە، هجوومکەردەی سەرو ئەرەمەرزیا چاپەمەنییەکاو شەرمەزار کەرد و وەعدش دا بە بەردەوامبییەی ڕۆنامەگەریی ئازادی و دادپەروەری و شەفاف، وات: " ستمو ئەردۆگان جە یۆبییەی ئەورووپاینە یاگێش نمەبۆوە! لاو ڕوسیایوە بۆ یا تورکیا، پێویسا ئازادیی چاپەمەنی بپارێزنمێ. نمەبۆ ڕۆنامەوانێ گیریا، بەڵکوم پێویسا بپارێزنیا!".
