ئەنجومەنو سەروازی منبجی: هرووژمەکۍ دۆروبەرو بەنداوو تشرینی شکسشا ئارڎ
ئەنجومەنو سەروازی منبجی ئەرەیاۋناش، جەنگەوانەکێشا هرووژمو چەتەکاشا جە دۆروبەرو بەنداوو تشرینینە ماڕێنۍ.
مېیانو ئەرەیاۋنای ئەنجومەنو سەروازی منبجی دەربارەو ماڕای هرووژمو چەتەکا جە دەورووبەرو بەنداوو تشرینی ئەرەیاۋنێوەش وەڵاکەرڎۆ.
جە ئەرەیاۋناکەینە ئی زانیاریۍ وزیێنۍ ڕووە:
"هیزەکاو ئەنجومەنو سەروازی منبجی سەر سەعبو ئارۆی هرووژمێوە چەتەکاو دۆڵەتو تورکیایشا نزیک بە بەنداوو تشرینی ماڕا. هێزەکێما جە چن دەگێوە دەوورەبەرو بەنداوەکەینە ئۆپەراسیۆنو گێڵای و پاککەردەیۆیشا دەسپنەکەرڎەن، کە چەتەکۍ ئا دەگایا پېسە سەرچەمەو هرووژمەکا جە دژما بەکار مارا. ئۆپەراسیۆنەکۍ بەردەوامێنۍ."
هەر جە ئەرەیاۋناکەینە ئاماژە پانەی کریان بە مەڵامەتو چالاکی هێزەکاشا و مەڕیای هرووژمو چەتەکاوە، پشێوی و ناکۆکی فرە دلۍ چەتەکانە وەش بیەن و ئەرەیاۋنانش: "جە دەوورووبەرو سردەو قەرەقۆزاقینە ترۆمبێلێوە سەروازی چەتەکا ئەوەتەقانۆ."
