چەند ڕوێ جەی وەڵتەر، دارستانەکێ دەگاو (دووەیسە)ی سەر بە شارو مەریوانی ئێرشان گێرتەبێ. هەر خێرا ئەنجومەنو سەوزو چیاو مەریوانی تیمەکێش کیاستێ دەگاکێ و دەرەنجام بە هەوڵ و کۆششی فرە ئێرەکەشان کۆنترۆڵ کەرد و ڕاگیریشان کەرد جە ئەوەکەوتەی کارەساتێوی گەرەی ژیوگەیی.

هەر شۆنیشەرە هەوڵ وەڵاوبییەوە کە دارستانەکێ گێڵی کەرانی ئێرشان گێرەتەن. ئەنجومەنو سەوزو چیاو مەریوانی خێرا تیمەکێش ڕەوانێ ئاگەیە کەردێ تا ئایرەکەی کۆنترۆڵ بکەرانێ و بکۆشناوە. جە ئیسەنە تیمەکێ ئەنجومەنەکەی سەرقاڵێ کۆنترۆڵ کەردەی و ئەوەکوشنای ئایرەکەیەنێ.

ئەنجومەنو سەوزو چیاو مەریوانی، ئەنجومەێوی مەدەنی ژیوگەپارێزین کە ئەندامەکێش وێبەخشانە و بێدەرفەتانە و دەسی هاڵی کار پەی پارێزنای و ئەوەژیونای ژیوگەی مەکەرانێ و جە ئا چوارچوەنە چەنڎین شەهیدێ و بریندارێش بەخشێنێ.