مېیانو ئەرەیاۋنای ئەنجومەنو سەروازی منبجی جە بارەو جەنگی جە دژو کانتۆنو منبجی ئەرەیاۋنێوەش وەڵاکەرڎۆ.

'ژەنەراڵە تورکەکۍ سەرپەرشتی هرووژمەکەی مکەرا'

"ماوەو چن ڕوێوەن هرووژمەکۍ دۆڵەتو تورکی و چەتەکاش جە دژو هەرێمەکەی و شارەکاما سەرەمڕە بەردەوامێنۍ. بە گرڎ جۆرە چەکێوە مۆدێرنی و فڕۆکەی بێفڕۆکەوانی کە دۊڵەتو تورکی پەیش مەیسەر کەردێنۍ، هرووژم مکەرا. ئا هرووژمە ۋەرفراوانۍ بە رانمایی و سەرپەرەشتی ژەنەڕاڵا و ئەفسەرا تورکی ئەنجام مڎریا. جە ٤ ڕوانە جەنگەوانا ئەنجومەنو سەروازی منبجی گورزەی قورسەشا جە چەتەکا دان و هرووژمەکێشا ماڕێنۍ.

'هروژمکەرا پەشیمان مکەرمێوە'

جە چوارچێوەو وەرپەرچدایۆ ئا هرووژمانە هێزەکێما جە دژو دۊڵەتو تورکی ئەرەگیری و چەتەکاش لوۍ قۆناغی دووەمۆ. ئێمە رێباز و تاکتیکی جیاجیا بەکار بەرمۍ و دژمنی بە تەمامی پەشیمان مکەرمێوە چانەی کە پەلامارەو ناوچەکا ئێمەش دان.

'قەولو پارێزنای گەلەکەیمان واوەی مکەرمێوە'

ئێمە پېسە هێزەکاو ئەنجومەنو سەروازی منبجی پاگیرینمۍ کە شارەکەما منبجی بکەرمۍ بە یاگۍ ۋنەپەرسایۆ گۊرەی جە ئەرەگیرا تورکی و چەتەکاش. ئا چەتۍ و دزە وەحشیۍ کە نمەتاوا ۋەرا ۋەر بە هێزەکاما جەنگ بکەرا، حەقەو ۋێشا جە مەدەنیەکا مکەراوە و دەسدرێژی مکەرا سەرو ژەنا و زاوڵا هەرێمەکەی. ئێمە سزاو ئا چەتا مڎەیمۍ. قەول مڎەیمۍ کە شارەکەیما و دەگایەکاما چا چەتە دڕندا و دۊڵەتو تورکی ئەرەگیری پارێزنمۍ".