کانتۆنوو زوریخ و سویسراینە جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەری پۍ پرسوو کوردی"نە هەڵمەتەو "١٠٠ هەزار پۆست کارتا"نە پۍ رابەروو گەلوو کوردی عەبدوڵا ئۆجالانی دەسشپنەکریابۍ. جە چوارچێوەو هەڵمەتەکێنە بە سەرمەشقایەتی ئەنجومەن و ژەنا و بێرتیتانۍ پۆست کارتێشا پۍ ئیمرآڵی ڕووانە کەردۍ.

بە دەیان ژەنی ۋەروودەم و پۆستەخانەو زوریخینە کوۍ بیێوە و کارتەکێشا پۍ رابەروو گەلوو کوردی عەبدوڵا ئۆجالانی نویستۍ و ڕووانەو دوورگەو ئیمراڵیشا کەردۍ.

وەڵۍ چالاکیەکەینە ئەڎایا ئاشتی ۋەروودەم و پۆستەخانەینە جە کۊنگرێوە رۆنامەوانینە  ئەرەیاۋناشا، "ئازاڎیی رابەرایەتیما، ئازاڎیی گەلوو کوردین. داوا جە گرڎوو تەرەفڎارا ئازاڎیی و ئاشتی کەرمۍ، کە خاوەنداری چی هەڵمەتۍ بکەرا".