یەپەگە جە دژو هرووژمەکا دۆڵەتو تورکی داواو سەرهوردایش کەرد
فەرماندەو گرڏی یەپەگەی بە بۆنەو ١٠یەمین ساڵڕۆو ئازادکەردەی کۆبانێوە بەیاننامێوەش وەڵاکەردۆ و جە دژو هرووژمە ئەرەگیرییەکا دۆڵەتو تورکی داواو سەرهوردایش کەرد.
فەرماندەو گرڏی یەپەگەی بە بۆنەی ١٠یەمین ساڵڕۆو ڕزگارکەردەی کۆبانێ بەیاننامێوە نوویسریاش وەڵاکەردۆ.
بەیاننامەکە پی جۆرەن:
"ئارۆ یاڏو ١٠یەمین ساڵڕۆو ڕزگارکەردەو کۆبانێن و جەگرڏ کەسێش موبارەک مکەرمێ،. ئی سەرکۆتەیە کە جەنگی جەهانی دژو داعشی بێ، سەردەمێوە تاریخیش وەش کەرد. ساڵەو ٢٠١٥ جە ئەنجامو جەنگێوە وەرفراوانه کە چن مانگێوەش پنەشی، هێزەکا یەپەگە و یەپەژەی، هامشان چنی هامپەیمانا و گەلوو وەرنیشتیوو چەتەکاش داعشا جە کۆبانێنە ماڕا، داعش هەرەشێ تیرۆری جە گرڏو جەهانی کەرێ، هرووژمش کەرد سەرو فرەو جە وڵاتا جەهانی پۆکەی مڏرامنو کۆبانێ نەک تەنیا جە وەرنیشتەنە بەڵکوو م کوردەسان و وەرکەوتوو دلێڕاسەی و جەهانیش چی هەڕەشێ ڕزگار کەرد.
سەرکۆتەو کۆبانی ئنەی کە سەرکەوتێوە سەروازییا، ئنەیچ هێماو مڏرامانی و ئیرادەو گەلوو کوردی و گرڏو گەلا هەرێمەکەین. جە جەنگوو بەینو کەرامەتی مرۆڤایەتی و ئازادی، و هێزە تاڵانکارییە کۆنەپەرەستەکێ بێنێ. جە کاتو تەوقدای کۆبانێ، داعش بە ئاشکرا چەک و کەرەسێ بە قاچاخ جە سنوورو تورکیای فاڕێوە پەی ناوچەکەی، هەرپاسد چەتەکا بە پاڵپەشتی دۆڵەتو ئەرەگیرو تورکی ئارێ ناوچەکە. بەڵام سەرەڕاو ئینەیچ چەتەکێ داعشی جە کۆبانێنە شکستشا ئارد و گرڏو جەهانی ویناش کە هێزێوە هەن متاوۆنە شکستشا پنە بارۆنە. مڏرامانو کۆبانی نیشانەش دا کە یەکڕیزی و یۆبییەی گەلا هەرێمەکەی متاوۆنە جە دژو تیرۆری سەرگنۆنە
ئێمە جە کاتێنە ئی ڕووە گرنگەیە موبارەک مکەرمێ، لێوەتەرۆ هرووژمەکێ دۆڵەتو ئەرەگیرو تورکی پەی سەرو هەرێمەکاما، بە تایبەت پەی سەرو تشرین و قەرەقۆزاقی بەردەواما. ئێمە ئی هرووژمێ بە درێژەدەرو هرووژمەکا سەرو کۆبانێ وینمێنە و بە هەمان ڕۆحیەتو مڏرامنیۆ جوابو هرووژمەکا مرەیمێ. ئی هرووژمێ نەک تەنیا ئارامی ناوچەکەی تێک مڏرانە، بەڵکووم دەرفەتێوە جەبارا پەی گێڵایۆ داعشی و وێڕێکوزتەیۆ وەش مکەرۆ. هرووژم کەردەی پەی سەرو ناوەندە ئەمنییەکا و چێرخانو ژیواو گەلی هەڕەشێن پەی سەرو ئا سیستەمەی کە بە ونەو دەیان هەزار شەهیدا بەرهەم ئامان.
بی مەڵامەتۆ یاڏو گەشمەرڏا مڏرامنو کۆبانێ، کە بەفیداکاریی ئاڏشان جە ئەوەکۆشای ئازادینە سەرکۆتەیما بەدەست ئارد، بەرز ڕاگێرمێ. هەرپاسە چی ڕووەنە موبارەک بای جە گەلەکەما و هەڤاڵاما مکەرمێ کە جە بەنداو تشرینینە مڏرامانی تاریخی تۆمار مکەرا، هامکات قەولما واوەی مکەرمێوە، هەتا دامی گەلەکەیما و خاکەکەیما جە دژو هەڕەشە و داگیرکارییەکا پارێزنمێنە."
