واتەواچو وەزارەتو چبەرو ئێرانی ئیسماعیل بەهایی جە چەمپنە کەوتێوەنە چنی ڕۆنامەو دۆڵەتی بەنامێ "ئێران" ی واتش: "ئەر لایەنو وەراوەری جدی بۆنە ئێمە بەردەوام ئامادێنمێ پەی دانوستانی. ئێمە گرڏ جاری ئی هەڵوێسەما ئەکید کەردەنۆ."

تاران چی دماییانە پەیام ئاراسەو وڵاتا وەرنیشتی مکەرۆنە، جە چوارچێوەو دانوستانە ئەتۆمییەکانە ئامادەو دیالۆگین. لایەنو ئێرانی جە بەیاننامێوەنە جە ٢٠و کانوونو دووەمی، هیواو وێش بەربڕی  کە ئیدارەو تازەو ئەمریکای 'رێبازێوە جدیی' جیاواز جە سەردەمەکەو ترەمپینە دەس پنە کەرۆنە.

جە ساڵەو ٢٠١٨ دۆناڵد ترەمپ، سەرۆکی ئاکاتەو ئەمریکای، تاکلایەنە چا ڕێککەوتەیە کە جە ساڵەو ٢٠١٥ چنی ئێرانی ئیمزا کریێبێ، کیشیاوە. ئی ڕێککەوتنە جە وەراوەرو هورگێرتەو سزاکا، یان کەمکردەیشاوە ئیمزا کریێبێ. دمابەدماو ئی هەنگاما، ئێران وەرە وەرە قەولەکێش بە پاو ڕێککەوتنەکەی مدرنێ.

گلێرۆبییە شاریێوەکێ جە ژنێڤەنە

وەرپرسا و نوێنەرا ئێرانی جە وڵاتا ئەڵمانیاینە، بەریتانیا و فەرەنسا جە مانگە وکانوونو دووەمی گلێرۆبیێوە نهێنیشا جە ژنێڤەنە ئەنجامدا. گلێرۆبییەکێ جەلایەنو هەردووی لایاوە بە "ئەرێنی و بنیاتنەر" وەسف کریێ. بەڵام تا ئیسە هیچ قسێوە سەرو ئانەی نەدریان کە ئایا هیچ وەڵکەوتێوە جدیی جە بەرنامە ئەتۆمییەکەنە بەدی ئامێنێ یان نا.