ئەرەگیرییەکاو دەوڵەتوو تورکی کراسنۆدارەنە شەرمەزارێ کریێ
هجوومەکاو دەوڵەتی ئەرەگیروو تورکی پەی سەروو پانیشتوو کوردسانی، هەرێموو کراسنۆدارینە ڕووسیانە، شەرمەزارێ کریێ، هاموەخت ساڵیادوو هەنگامەی تاریخییەو ١٥و ئاب(تەباخ)ی مەبارەکە کریا.
بە بۆنەو ٤٠ـەمین ساڵیادوو هەنگامەی تاریخییەو ١٥و ئابیوە شاروو کراسنۆدارینە هەرێموو ستاڤرۆلی ڕووسیاینە یانەو کولتووریی کوردینە ئەرەیاوناێوە وەڵا کریاوە.
حوسێن چەرکەز هامسەرۆکوو ئۆتۆنۆمیی کوردی ستاڤرۆلەنە بەیاننامێوەش واناوە و هەنگامەو ١٥و ئابیش وەنەو ڕابەروو گەلوو کوردی عەبدوڵا ئۆجالانی و جەنگەواناو ئازادی و گەلووکوردی مەبارەکە کەردە و گیانبەختکریایاو شۆڕشیشبەڕیزداریوە یادێ کەردێوە.
چەرکەز هجوومەکاو دەوڵەتوو تورکی و هامکارییەکاو پارتی دیموکراتوو کوردستانیش چەنی ئەرەگیرا کەرد و داواش وەنەو پەدەکەی کەردە دمایی بە هامکارییەکاش چنی ئەەرگیرا برۆ
هەرپاسە چەرکەز ئاخروو بەیاننامەکەینە واتش، کە پەنەوازا گەلوو کوردی کوردسانەنە و گردوو دنیێنە کۆشیای وێش پەی ئازادیی ڕابەروو گەلوو کوردی عەبدوڵا ئۆجالانی بەرز بکەرۆوە.
دماو بەیاننامە و پەیامەکا، چالاکییەکە بە دروشموو 'بژیوۆ سەرۆک ئاپۆ' و 'بژیوۆ ١٥و ئابی' دماییش ئاما.
