یەرەکە سەبارەڎ بە هجومە ئاسمانییەکا دەوڵەتوو تورکی ئەرەگیری جە مەنتیقەو شارباژێری ئەرەیاۋنېوەش ۋەڵا کەرڎۊ ئاماژەش پانەی کەرڎ: "جە بۆردومانەکا دەوڵەتوو تورکینە حیچ زەرەرۍ ۋەروو هێزەکاما نەکەوتەن ".
ناوەنڎوو ئەرەیاۋنا و چاپەمەنی یەکیینەکا پارېزنای ۋەرکەوتوو کوردسانی (یەرەکە) سەبارەڎ بە هجومە ئاسمانییەکا دەوڵەتوو تورکی ئەرەگیری پۍ سەروو مەنتیقەو شارباژێڕی ئەرەیاۋنېوەش ۋەڵا کەرڎۊ.
ئەرەیاۋناکەو یەرەکەی پی جۊرەنە:
"جە ٤و تشرینی یۋەموو/ ئۆکتۆبەرینە دەوڵەتوو فاشیست و ئەرەگیروو تورکی جە مەنتیقەو شارباژێری هجومی ئاسمانیش کەرڎ سەروو کەشوو ئاسۆسی ". جە هجومەکەنە فڕۆکەکۍ دەوڵەتوو ئەرەگیروو تورکی دەگاو باسوایش یەرۍ کەڕەتۍ و کانی خەندەکشا بۆردومانۍ کەرڎۍ. چا هجومانە حیچ زەرەرۍ ۋەروو هێزەکاما نەکەوتەن.
دەوڵەتوو ئەرەگیروو تورکی بەردەوام پەی شارتەیۊ شکسەکاش جە ڕوو ۋیروڕای گرڎی جەهانی، هجومی ئاسمانی ئەنجام مڎۊ. نموونەو دماینیش هجومەکېشەنۍ پۍ سەروو سەرنیشت و ۋەرکەوتوو سوریای. دماو چالاکییە گیانبازییەکەو ئەنقەرەی کە سیستموو کوشتەی و ئەرەگیری فاشیستیش لەرزنان. دەوڵەتی ئەرەگیر پا چالاکییە گورزێوە گەورېش ۋەرکەوتە و گەرەکشانە بە دمایین هجوماکاش، زەرەرەکاش بشارۊوە. ئێمە پېسە یەرەکەی هجومەکا دەوڵەتوو تورکی پۍ سەروو سەرنیشت و ۋەرکەوتوو سوریای بە تنی شەرمەزار کەرمۍ".
