یەرەکە بە بۆنەو یەرەم ساڵیادوو فەرماندە ڕێناس ڕۆژ (سەلاحەدین شەهابی) ئەرەیاوناێوەش وەڵا کەردۆ و دلێشنە واتەنش، گەشمەردە ڕێناس پیسەو فەرمنادێوە سنوورنەشناسی کەشەکاو گردوو سەرحەدەکاو کوردسانینە کۆشیای بێوچانش کەردەن.
یەرێ ساڵێ ملوو گەشمەردەبییەی فەرماندە ڕێناس ڕۆژی وەرنیشتوو کوردسانینە مویەرۆ و پا بۆنەوە فەرماندەیی یەکینەکاو پارێزنای وەرکەوتوو کوردسانی (یەرەکە) ئەرەیاوناێوەش وەڵا کەردەنۆ و دلێشنە ئەرەیاونانش:" هامڕا ڕێناس ڕۆژ و کۆشیایە تارێخییەکەش یاد مکەرمێوە و ئەوخوایش مکەرمێوە، کە سەروو خەتەو کۆشیای ڕێباسەکاوە ئازادیی ڕابەر ئاپۆی و کوردسانی و وەڵاتیما مسۆگەر مکەرمێ.
بەشێوە تەروو ئەرەیاونایەکەینە ئامان: " هامڕا ڕێناس کە وەراوەروو ئەرتەشوو دەوڵەتی ئەرەگیر و فاشیستی تورکی و چەتەکاشەنە ساڵەو ٢٠١٩ینە جەنگوو سەرێکانی و گرێ سپی-ینە پێسەو فەرماندێوە چەنەئامای بەرەو تەل تەمرینە قارەمانیێوی بێوێنەش کەرد و دڕەێوە بێ چەماو دوژمنینە تا ١٩و ئابوو ٢٠٢١ بە هجوومێوی نامەردانە فڕۆکەی بێفڕۆکەوانی یاوا ئاستی بەرزوو گەشمەردەیی." پوختەو ئەرەیاونایەکی ئینەنە:
ئەرەیاونیاو فەرماندەیی یەکینەکاو پارێزنای وەرکەوتوو کوردسانی
پەی یەرەمین ساڵرۆو شەهادەتوو گەشمەردەی فەرماندە فەرماندە هامڕا ڕێناس ڕۆژی
ئارۆ یەرێ ساڵێ مویەرۆ سەروو گەشمەردەبییەی میلیتانی سەرمەشقی ئاپۆیی هامڕا ڕێناسیرە، بە بۆنەو ئی ڕۆیوە جە کەسایەتیی هامڕایما رێناس ڕۆژینە گردوو گەشمەرداو ڕاو ئازادیی کوردسانی یاد مکەرمێوە و سەرەو ڕێز و نەوازشی وەراوەروو کۆشیای فیداییانەیشانە مکۆمنمێرە و وەعدوو مسۆگەرکەردەی ئامانجەکاشا ئەوەخوای مکەرمێوە.
هامڕا ڕێناس ئا فەرماندە سەرمەشقەو وەرکەوتوو کوردسانی، بە بێ ئشناسای حەر سنوورێوی دەسکردی کە بە مەبەسوو پارچەکەردەی وەڵاتیما مجیانەرە، هەرێموو ئەرەزروومو سەرنیشتوو کوردسانیوە تا داڵاهۆ و کۆسالان وەرکەوتەنە، تا فرەو کەشەکاو پانیشتی و چاوە تا یەس بە یەسوو وەرنیشتوو وەڵاتی بە بێ دووەدڵی و چەوپەڕوو وەرپەرسیوە بێوچان پەی خزمەتکەردەی گەلی و دۆزوو ئازادی و سەربەوێی وەڵاتی کۆشیای مانیاینەشناسانەش کەرد، کە چکۆ گەرەکشا بییەبۆ چا تا دما ڕاددەو میلیتانیێوی ئاپۆیی پەی پارێزنای گەلی و نیشتمانی ئامادە بێ.
هامڕا ڕێناس کە وەراوەروو ئەرتەشوو دەوڵەتی ئەرەگیر و فاشیستی تورکی و چەتەکاشەنە ساڵەو ٢٠١٩ینە جەنگوو سەرێکانی و گرێ سپی-ینە پێسەو فەرماندێوە چەنەئامای بەرەو تەل تەمرینە قارەمانیێوی بێوێنەش کەرد و دڕەێوە بێ چەماو دوژمنینە تا ١٩و ئابوو ٢٠٢١ بە هجوومێوی نامەردانە فڕۆکەی بێفڕۆکەوانی یاوا ئاستی بەرزوو گەشمەردەیی.
ئا رێ کە هامڕا ڕێناسی و دەیا سەرمەشقای تەری پێسەو هامڕایا، هیوا سنە، هەورام ئاویەر، عادڵ ئامەد(سەقز)، ئاسۆ فەرزاد و ... تاد فەرماندێ داییۆیرەی قورسی و گرانی و چەنی هامڕا چیای گێرتشارە وەرو نیشاندەروو ئا ڕۆحە وەڵاتپارێزنەینە کە ڕابەر ئاپۆی بنەڕەتەکەش ئەرەمەرزنان و بەدڵنیاییوە سەرمگنۆ. پێسە مزانیۆ ئارۆ کوردسان بییەن بە مێدانوو یۆ جە گەورەتەرین جەنگەکاو دنیێ و گەریلا فەداییەکاو ڕابەر ئاپۆی سەرەمڕ حەرچوارلاو کوردسانیوە پەی پارێزنای دەسکەوتەکاو گەلوو کوردی ئینێ مەیدانەکاو مدرامانینە وەراوەروو هجوومی ئەرەگیرانەو دەوڵەتوو تورکی و خەتەو خیانەتی و وێورەشی بنەیانەو بارزانینە پیسەو زنجیرەکەشەکاو زاگرۆسی قۆڵێ هجوومی و پەلاماراشا وەنەو نەیارا ورماڵێنێ
ئاخرۆ پێسەو فەرماندەیی یەکینەکاو پارێزنای وەرکەوتوو کوردسانی واوەی هامڕا ڕێناس ڕۆژی و کۆشیایە تارێخییەکەیش یاد مکەرمێوە و سەروو خەتەو کۆشیای ڕێناسەکاوە ئازادیی ڕابەر ئاپۆی و کوردسانی مسۆگەر مکەرمێ."
