ناوەندوو ئەرەیاونای یەکینەکاو وەرکەوتوو کورڎسانی بە ئەرەیاونایۍ ئشناسنامەو یەرۍ گەریلایاش ئاشکرا کەرد، کە جە وەختی جیاجیانە گەشمەرڎۍ بیێنۍ.

جە ئەرەیاوناکەینە ئامان، "جە وەخت و شۊنی جیاجیانە ٣ هامڕێما، کە جە وەختوو پۊڕنای هەرمانەکاشانە بێنۍ، گەشمەرڎۍ بیۍ. سەرەوەشی جە بنەیانەو هەریەری و گەلوو کورڎی کەرمێ".

بە پاو ئەرەیاوناکەی زانیارییەکۍ سەروو ئشناسنامەو گەشمەرڎەکا پێسنەن:

نامۍ و دمانامێ: ڕامین نەسڕوڵازاڎە

ناسنامێ: مەد مێزۊپۊتامیا

کات و شۊنەو بەشڎاربییەی: ٢٠١٦- پێنجوێنە

کات و شۊنەو گەشمەرڎەبییەی: ٢٠١٩- پێنجوێنە

 

نامۍ و دمانامێ: خوسرەو سپایی

ناسنامێ: برووسک نیروان

کات و شۊنەو بەشڎاربییەی: ٢٠١٨- بانە

کات و شۊنەو گەشمەرڎەبییەی: ٢٠١٨ - ئاسۊس

 

نامۍ و دمانامێ: مووسا مەحموود ڕەش

ناسنامێ: ڕەشید سەرحەد

کات و شۊنەو بەشڎاربییەی: ٢٠١٧- مەهاباڎ

کات و شۊنەو گەشمەرڎەبییەی: ٢٠١٩- ئاسۊس

جە درێژەو ئەرەیاوناکەینە سەبارەت پا گەشمەرڎا، ئی زانیارییۍ وزیێنۍ ڕووە:

"هامڕاما "مەد مێزۊپۊتامیا"  ساڵەو ١٩٩٦ جە شاروو سەقزوو وەرکەوتوو کورڎسانینە، جە بنەیانێوە وەڵاتپارێزی و نیشتمانپەروەرینە جەئەدۍ بییەن. وەراوەروو سیاسەتوو ڕژێمی داگیرکەروو سەروو گەلەکەیما جە وەرکەوتوو کورڎسانینە، حەر جە سەرەتاو گەنجییشۊ گنۊ پەیجۊری و سۊراخکەرڎەیۊ. وەختۍ وێش مشناسۊ، ڕووە کەرۊ ڕیزەکاو  گەریلای و بۊ بە جەنگاوەرێوە 'ڕابەر ئاپۊ"ی. دلۍ ڕیزەکاو گەریلاینە مەنۊوە و بۊنەو ڕەنج و هەوڵەکاش و ئا ورەیۊ، کە بە هامڕایەکاش بەخشێش، کەسایەتیێوە نموونەییش بۍ، پی نۊعە جە فرەو مەیڎانەکانە جە سەیەو حەوڵا و مانیایەکاشنە، بی بە داراو کەسایەتییێوە نموونەیی.

هامڕاما "ڕەشید سەرحەد" جە وەرکەوتوو کورڎسانینە، جە شاروو مەهاباڎینە پەیدا بییەین. بۊنەو ڕاسی و تایبەتمەندییەکاو شاروو مەهاباڎیوە بە هەستی وڵاتپارێزییوە گەورە بۊ، وەروو ئانەی ڕاسیی شارەکەو وێش ئشناسابۍ،  پەی سانایۊو هەقەو کۊماروو مەهاباڎی، جە عومری گەنجیشنە و جە ساڵەو ٢٠١٧ ڕووەش کەرڎە دلۍ ڕیزەکاو گەریلایۊ. زانابییەی وێش جە ڕاو ڕێبازوو "ڕابەر ئاپۊ"یۊ دۊڵەمەند کەرد و جە حەریاگێوەنە کۊشیای بیۍ، بۍ دووەدڵی و بەگیانبازیوە و بە حەولێوە فرەوە، بۍ بە کەسایەتیێوە نموونەیی دلۍ ڕیزەکاما.

هامڕاما "بروسک نیروان" ڕۊڵێوە  شاروو بانەو وەرکەوتوو کورڎسانی بۍ. زارۊڵێوە، کە جە هەلومەرجی دژوار و ئەسەمنە، چەمێش کەردێوە دنیانە، تا وەختوو بەشڎاربییەیش دلۍ ڕیزەکاو گەریلاینە، پێسە ژیوا. پێسە حەرگەنجێوە ئازاڎیی وێش دلۍ ئەندێشەکاو 'ڕابەر ئاپۊ"ینە وینیوە و جە ساڵەو ٢٠١٨ینە بەشڎاروو ڕیزەکاو گەریلای بۊ. حەرچنڎ خۊندەوارییش نەبۍ، وەلۍ پەوپەڕوو تامەزرۊییوە، خەیاڵش بۍ ویر و فەلسەفەو "ڕابەر ئاپۊ"ی بشناسۊ و چەنیش ژیوۊ.

جارێوە تەر، پێسە  یەکینەکاو وەرکەوتوو کورڎسانی "یەرەکە"ی سەرەوەشی جە بنەیانەو حەریەرە هامڕایەکاما کەرمۍ و قەول مدەیمۍ، کە ئاواتەکاو ئا گەشمەرڎا بیاونمۍ سەرکەوتەی و تا ئاخیر سەروو ڕێبازوو ئاڎیشاوە بیمێ".

س.ز