ئەرەنیشتەو 'چەکی کیمیاۋیی' دما وزیا
ئەرەنیشتەو دادگایی سەرۆکەو ئەنجوومەنوو ناوەندی سەندیکاو دکتۊرا تورکی TTB، دکتۆرە شەبنەم کۆرور فینجانچیە بە مەڵامەتوو وتارەکێشۊ سەبارەڎ بە بەکارئارڎەی چەکی کیمیاۋیی دژوو گەریلاکا دما وزییا.
سەروو شەکواو وەزارەتوو وەرگیری دەوڵەتوو تورکی بەبەهانۍ "سووکایەتی" ئاراسەو سەرۆکەو ئەنجومەنوو ناوەندی سەندیکاو دکتۊرا تورکی (TTB)کریان. بەمەڵامەتوو قسەکاشۊ سەبارەڎ بە بەکارئارڎەی چەکی کیمیاۋیی جە تەرەفوو دەوڵەتوو تورکیوە جە دژوو هەرێمەکاو گەریلای جە زاپ، مەتینا و ئاڤاشین جە هەرێموو فیدراڵی کوردسانی، شەکوای یاسایی سەروو دکتۆر شەبنەم کۆرور فینجانچیۍ تۆمارەکریا. ئەرەنیشتەو دووەم و ئی دۆسیەیە جە دادگاو دووەموو تاوانەو بەرایی یووەم و ئەنقەرەی لوواڕاوە. فینجانچیە و پارێزنەراش و نوێنەراو ڕێکوزییاکا گلېرگەو مەدەنی بەشدارۍ ئەرەنیشتەکەی بێنۍ.
پارێزنەراو فینجانچیۍ جە ئەرەنیشتەکەینە، داواو ڕەڎکەردەیۆ دۆسیەکەیشا کەرڎ. بەڵام دادگا داواکېێش قبوڵۍ نەکەردۍ.
دادگا ئەرەنیشتەکەیش سەبارەڎ بە وەزارەتوو وەرگیری پۍ هۊرگێرتەو قسۍ دۆسیەکەش پۍ ٧و ئایاری دماوست.
