قەرار بێ هیزی یەرە شەممە ئەرەنیشتەی دادگای تایبەت بە وەریشە مورادی-یێ ئەندامەو گلێرگەو ژەنە ئازاداو وەرکەوتو کوردستان (کژار)ی، لەقو ١٥و دادگاو شۆڕشینە تاراننە بکریۆ.

بەپاو هەواڵێوی تۆڕەو مافەکاو ئینسانو کوردستانی دماو ئانەیە لەقو ١٥و دادگاو شۆڕشی تاراننە بە سەرۆکایەتیی دادوەر سەلەواتی پارێزنەراو وەریشە مورادی-یێش ئاگادارێ کەردێبێنێوە، کە ٩و نیسانی پێسەو ڕۆو دادگاییکەردەی ئا ژەنە چالاکێ دیاریی کریان، وەریشە مورادی-یە زیندانو ئێڤینیوە فاڕیێبیوە پەی لەقو ١٥و دادگای.

ئانەیچش وستەن ڕووە، سەلەواتی بە پارێزنەراش ئەرەیاونان، بۆنەو  ئانەیۆ کە دادوەرو دووەمو ئا لەقی دادگانە دادوەر عەموزادە ئامادە نییا، ئەرەنیشتەیەکە دما موزیۆ.