یۆبییەی ئەرەیاونای ئازادی (یەرەئا) یاڏو ڕۆنامەوان عەزیز کۆیلوئۆغلویش بەرزڕاگێرت و واتش "مامۆسا و هەمڕاما عەزیز کۆیلوئۆغلو بە خەباتە ڕۆنامەوانییەکاش بییەن بە وەننگێوە بنەڕەتی ئەرەیاونای ئازادی جە هەرێمەکەنە."
یۆبییەی ئەرەیاونای ئازادی (یەرەئا) بە وانایۆ ئەرەیاونێوە جە کۆنگرەی ڕۆنامەوانیینە یاڏو ڕۆنامەوانی گەشمەرڏەی عەزیز کۆیلوئۆغلویش بەرز ڕاگێرت.
ئەرەیاوناکە جە لایەنو هامسەرۆکو یەرەئا دلیار جزیری ونریاوە و ئاماژەش پانەیە کەرد گەشمەرڏە کۆیلوئۆغلۆ جە ساڵو٢٠٠٠ی بە بەشداربییەیش جە هەرمانەو ڕۆنامەوانی ئەرەیاوناو ئازادینە گرڏ کاتێ جە بەروستەو ڕووەو حەقەتینێ و دڕندەی دۆڵەتا ئەرەگیری کوردەسانە بییەن.
جە درێژەو ئەرەیاوناکەینە سەرنج وسیان سەرو خەباتو ڕۆنامەوانییەکا گەشمەرڏە عەزیز جە وەرنیشتوو کوردەسانی و وچیا: "بە نویستەی و شیکار و هەرمانەکا تەریش، ڕووەی حەقەتینێ دەسەڵاتدارا دۆڵەتو تورکی ئاشکرا کەرێ. مامۆساما و هەمڕاما عەزیز بە هەرمانە ڕۆنامەوانییەکاش جە سەرنیشتوو و وەرکەوتوو سووریاینە بییەن ونینگێوە بنەڕەتی دەزگایبییەی ئەرەیاوناو ئازادیی ئی هەرێمەیە."
جە ئەرەیاوناکەینە سەرسەلامەتی جە بنەیانەو گەشمەرڏە عەزیزی و تەمامو گەلوو کوردەسانی کریا و قەولو بەردەوام بییەی سەرو ئامانجو ئەوەکۆشای ڕۆنامەوانی ئازاد ئەکید کریاوە.
