ئەرەیاۋنای ئازادی شەنگالی دەربارەو گەشمەرڎەکەردەی ڕۆنامەنوویس هەمڕا عەزیز کۆیلوئۆغلۆی ئەرەیاۋنێوە نویسیاش وەڵا کەرڎۆ. جە ئەرەیاۋناکەینە ئاماژە بە ئەوەکۊشای عەزیز کۆیلوئۆغلۆی کریا و وچیا: "پېسە ئەرەیاۋنای ئازادی شەنگالی قەول مڎەیمۍ کە بیمۍ بە شۊنکۊتەیۍ عالو گەشمەرڎا ئەرەیاۋنای ئازادی. جە شنگالۆ تا تیشرین، جە ڕانیە تا زاپ، شۊنەو حەقیقەتیرە گێڵمۍ، شۊنەو ئازادیرە گېڵمۍ و شۊنکۊتۍ گەشمەرڎا ئەرەیاۋنای ئازادی بیمۍ".

جە ئەرەیاۋناکەینە ئاماژە پانەی کریان کە یۆ جە جە سەرمەشقە قەڎیمیەکا ئەرەیاۋنای ئازادی، هەمڕا، عەزیز کۆیلوئۆغلۆ جە ٢٧و کانوونو دووەمینە ڕانیەنە جە هرووژمو دۊڵەتو تورکی ئەرەگیرینە گەشمەرڎە بی، وچیا: "دماو گەشمەرڎەبیەو هەمڕایاما موراد میرزا، گوڵستان تارا، هێرۆ بەهادین، نازم داشتانی و جیهان بیلگینۍ، گەشمەرڎە بیەو هەمڕا عەزیزی بێگومان فرە بە ئێش و سەختا، بەڵام جە هەمانکاتەنە هێزو گۊرەکەردەی جەنگو ئازادی و حەقیقەتیا".

جە بەردەوامی ئەرەیاۋناکەینە ئامان: "هەمڕا عەزیز پېسە یۆ جە دەروێشا حەقیقەتی ٣٠ ساڵۍ بە ڕەنج، فیداکاری، باوەڕی، ئەوەکۊشایۍ سەرەمڕەش ڕاوەبەرد. جە خۊنکاری ئاپێ موسای و غوربەتلی ئەرسۆزاوە ڕۆ دماو ڕۊی بەرەو مامۆسایەتی حەقیقەتی جە گرڎ لێوەنە لوۍ، جە زەمەن و فەزێوە بێ سنوورینە ۋێش تێکەڵ بە چەمکو حەقیقەتی کەرد، زەریفی جەنگو ئازادی و حەقیقەتیش جە کەشەکا کوردەسانینە دی، کۆمکووژی، تاڵانی و دڕندەی سەرو وڵاتەکەیش دی، هەر پۊکەی زۋانەکەش، قەڵەمەکەش، فکرش بەهێز و ڕۊشنۍ بێنۍ.

جە دما دماینە ئەرەیاۋناش، بە گەشمەرڎەبیەو هەڤاڵ عەزیزی جارێوەتەر دیما چ بارگرانیێوە ئینا سەرو مازی ئەرەیاۋنای ئازادیۆ، جارێوەتەر درکما پانەی کەرڎ کە جەنگو حەقیقەتی بەبێ قوربانییدای نمەلۊڕاوە، جارێتەر دیما دژمنما چڼە دڕندەن، چن دژمنو حەقیقەتین، هێز و باوەڕی ڕۆسیدا، موراد، گوڵستانۍ، هێرۆی، نازم، جیهانۍ و عەزیزەکا ئیتر چنی کەشە بەرزەکا، چنی گەلی و وڵاتی بیەن بە یۆ، جە دڕندەیی دژمنی مېیاومێنە و مزانمۍ ڕۆو ئازادی چن نزیکا، پېسە ئەرەیاۋنای ئازادی شنگالی قەول مڎەیمۍ کە خۊنکارۍ عالۍ گەشمەرڎا ئەرەیاۋنای ئازادی بیمۍ، جە شنگالۆ تا تیشرین، جە ڕانیە تا زاپ، شۊنەو حەقیقەتیرە ملمۍ، شۊنەو ئازادیرە ملمۍ و شۊن پاو گەشمەرڎا ئازادی وەرنمەڎیمۍ".