شاباز مەحمود، قسەکەروو ڕێکوزیاو کرێکاراو بیناسازیی هەرێموو کوردستانی چەنەدواێوە ڕۊنامەوانیینە واتش: "ئێساڵ ٧٣ کرێکارۍ هەرێمی کوردستانی و مەنتێقە بڕیایەکاو پانیشتوو کوردستانینە وەختوو هەرمانێنە مەرڎێنۍ و چا ژمارەیچە ١٨ کەسێشا کرێکارۍ بێگانۍ بیێنۍ " .

باسوو ئانەیش کەرڎەن، کە ساڵەی وەڵینەوە ٥٩ کرێکارۍ وەختوو هەرمانێنە مەرڎێنێ.  

وستەنیچش ڕووە، فرەتەرین حاڵەتەکاو مەرڎەی کرێکارا وەختوو هەرمانێنە بۊنەو کەتەیرەیشاوە بییەن یاگە بەرزەکاوە، کە ٢٤ پاسە مەرڎێنۍ و ١١ بە کارەبا مەرڎێنێ.

شاباز مەحمود ئاماژەیچش پانەیە کەرڎەن، چا ٧٣ کرێکارە مەرڎا. ٥٢ پارێزگاکاو هەرێموو کوردستانینە بیێنۍ و ٢١ کەرکووک و مەنتێقە ئەرەبڕیایەکانە و عومرشا ئینا بەینوو ١٥ پەی ٧٠ ساڵینە.

واتەنیچش کە بە پاو ئامارەکا، ئا کرێکارۍ کە پارێزگاکاو هەرێموو کوردستانینە مەرڎێنۍ پێسنەن هەولێر ٢٢ کرێکارۍ، سلێمانى ١٩ کرێکارۍ، دهۊک شش کرێکارۍ، هەڵەبجە پەنج کرێکارێ.  

هـ . ب