ئێشکگێری دادپەروەری: کورد هەنگامە پەی دمای مەنیا، پێویسا گۆشەگیری ورگیریۆ
چالاکێ بەردەوامێنێ جە ئێشکگێریی دادپەروەری پەی ئازادیی ڕابەرو گەلو کوردی عەبدوڵا ئۆجالانی و ئەوەخوایشا کەردۆ: "کورد هەنگامە پەی دمای مەنیا، پێویسا گۆشەگیری ورگێریۆ".
ئێشکگێریی دادپەروەری پەی ئازادیی ڕابەرو گەلو کوردی عەبدوڵا ئۆجالانی و چارەسەرو پەرسەو کوردی بەردەواما.
ئەزمیر
چالاکییەکەو ئەزمیری بە سەرمەشقایەتیی کۆمەڵەو پەشتیوانیی بنەیانەو زیندانییا و حکومدریایا ئەگێ و تەڤگەرو ژەنە ئازادا ٤٥ ڕوێن بەردەواما. چالاکییەکە بیناو دەم پارتی بایراکلیینە کریا.
ئەداو ئاشتی پەریهان ئۆرتاکە چالاکییەکەنە داواش کەردە گۆشەگیری سەروو ڕابەرو گەلو کوردی عەبدوڵا ئۆجالانیوە ورگێریۆ و ستەمو سەرو گەلو کوردی دماییش بێ، واتش: "گەلو کوردی حەرگیز پاشەکشێش نەکەردێنە، ئاشتی و یەکسانیما گەرەکا، دەس ورگێردێ جە سیاسەتی قێزەونی دژو ڕۆڵەکاو کوردی. سەرو مێزێوە چەنی بەڕێز ئۆجالانی بنیشدێرە و ئاشتیی باردێ دی. چێنە بانگەواز جە گرد کەسێو مکەرمێ، دەس بوزدێ سەرو ویژدانیتا. پەشتیوانیی ئێشکگێری ئەدایا بکەردێ. با بزانمێ ئێمەی ئەدێ چەنی ڕۆڵەکاما بیمێ. سڵام جە مدرامانو زیندانەکا و سەرکەوتەی پەی گەلو کوردی موازمێ".
ئامەد
ئێشکگێریی دادپەروەریی ئامەدی بۆنەو ئاهەنگو جەژنەو نەورۆزیوە مەیدانو ئاهەنگەکەینە کریا.
