قەومێ زیندانییا و ئەدایاو ئاشتیی بە داواو "ئازادیی پەی عەبدوڵا ئۆجالانی، چارەسەری سیاسی پەی پرسەو کوردی" ئێشکگێریی دادپەروەرییشا دەسپەنە کەرد، چالاکییەکە شارەکاو ئامەد و وان و مێردین و ئەزمیرینە بەردەواما. چالاکییەکانە درووشمو "بژیوۆ سەرۆک ئاپۆ" و "بێ سەرۆکی ژیوای نمەبۆ" و "بژیوۆ مدرامانو زیندانی" و "ژەنی، ژیوای، ئازادی"ی بەرزێ کریێوە، ئەدێ هێلەکێشا کەردێنە و سەرشاوە نویسیابێ "گۆشەگیری تاوانێوەن دژو ئینسانیەتین".

چالاکییەکەو مێردینینە ئەداو ئاشتی عەتیە یەڵمازە واتش، ئادێ ئاشتی و ئازادییشا گەرەکا، ئازادیی ڕابەرو گەلو کوردی عەبدوڵا ئۆجالانی و زیندانییە سیاسییا موازانێ و واتش: "ئەردۆگان، ئیتر وەسێن زوڵم"، دمایی واتش: "ئێمە پەی کەردەیۆ ڕاێوە ئێشکگێریی دادپەروەری مکەرمێ. تا میاومێ ئەنجامێو، درێژە بە چالاکییەکەیما مدەیمێ". 

چالاکییەکەو ئەزمیری، ئەداو ئاشتی پەریهان کۆرتاکە واتش، مانگەو ڕەمەزانینە داوا جە وەزارەتو دادی مکەرمێ، کە زیندانییەکا ئازاد بکەرۆ، تیشکەش وستە سەرو نەبییەی زانیاری دەربارەو ڕابەرو گەلو کوردی عەبدوڵا ئۆجالانی و واتش: "ئانە یەرێ ساڵێن ڕابەرێتیما نمەتاوۆ چەنی بنەیانەی و پارێزنەراش کۆ بۆوە، با دەسەڵات خاس بزانۆ، هەرچی بکەرۆ، نمەتاوۆ ڕابەرو گەلو کوردی و زیندانییا تەنیا بکەرۆ. چارەسەرو پەرسەو کوردی بە ورگێرتەی گۆشەگیری مبۆ و پێویسا ڕاو چارەسەری بوێزییۆوە. گۆشەگیری قبووڵ نمەکرمێ و گەرەکمانە پرسەو کوردی چارەسەرە بکریۆ".

چالاکییەکەو مێرسینینە، ئەداو ئاشتی نافیە شڤانە واتش، گەرەکمانە گۆشەگیریی سەرو ڕابەرو گەلو کوردی عەبدوڵا ئۆجالانی ورگیریۆ و بەشێوەی جەسەیی ئازاد بۆ، داواو زیندانییە مانگێرتا جە واردەی بیاونیۆ یاگێ.