چالاکییەکاو ئێشکگێریی دادپەروەری بە داواو ئازادیی جەستەیی ڕابەرو گەلو کوردی عەبدوڵا ئۆجالانی و چارەسەرو پەرسەو کوردی، شارەکاو وانی و ئامەد و ئێلحینە بەردەواما.

چالاکییەکەو وانینە، عەینە ئاتابای واتش: "گەرەکمانە گۆشەگیری سەرو بەڕێز عەبدوڵا ئۆجالانی دماییش بێ، نمەزانمێ ڕەوشی بەڕێز ئۆجالانی چنینا، گەرەکمانە بزانمێ. ئازادی و دادپەروەریما گەرەکا، پێویسا چارەسەر پەی کێشەکا بوێزیۆوە".

چالاکییەکەو ئامەدینە خاتو ئاسڵانە واتش: "با گۆشەگیری سەرو بەڕێز ئۆجالانی ورگێریۆ، ئەگەر گۆشەگیری سەریش ورگێریۆ، گۆشەگیری سەرو کەسیوە نمەمەنۆ، بە بۆنەو نەورۆزیوە بانگەواز مکەروو کەس یانەنە نەمەنۆوە. ئی نەورۆزە پەی ئێمە فرە گرنگا. پێویسا ئی نەورۆزە بۆ بە نەورۆزو ئاشتی و ئازادی".

نەورۆزو ئێلحینە هامسەرۆکو کۆمەڵەو پەشتیوانی جە بنەیانەو زیندانییاو مەڕمەڕەی، محەمەد شافی واتش: "بەڕێز عەبدوڵا ئۆجالان، نەوەک هەر پەی گەلو کوردی بەڵکوم پەی تەمامو جیهانی میراتێوە گەورەش ئاستەن جیا".