قەومێ زیندانییا پەی ئازادیی جەستەیی ڕابەرو گەلو کوردی عەبدوڵا ئۆجالانی و چارەسەری سیاسیی پەرسەو کوردی درێژە بە ئێشکگێریی دادپەروەری مدانێ. چالاکییەکە شارەکاو ئامەد و مێردین و ئێلحینە بەردەواما. چالاکییەکانە درووشمو "بژیوۆ سەرۆک ئاپۆ"ی و "بێ سەرۆکی ژیوای نمەبۆ" و "بژیوۆ مدرامانو زیندانی" و "ژەنی، ژیوای، ئازادی"ی بەرزێ کریێوە، ئەڎ هێلەکشا کەردەنە و سەرشۆ نویسیابێ "گۆشەگیری تاوانێوی دژەئینسانیین".

چالاکییەکەو ئامەدینە ئەڎ تیشکەشا وستە سەرو ٤و نیسانی ڕۆو پەیدابییەی ڕابەرو گەلو کوردی عەبدوڵا ئۆجالانی و درووشمو "ڕۆو پەیدابییەیت مەبارەک سەرۆکم"یشا بەرز کەردۆ.

چالاکییەکەنە یوەشا بە نامێ سافیە سەزگینێوە واتش: "٣ ڕوێ تەر یادو پەیدابیەی ڕابەرین، ڕابەرما ٢٥ ساڵێن ئینا زینداننە. دلێ ٤ دیوارانە زیندانیی کریان. بەڵام هەردەم دژو ئی سیستمە فاشیستەیە مردمێوە، ڕابەرێتی گرد چێوێ ئێمەن. بەبێ ڕابەرێتی دادپەروەرییچ نمێ دی". دمایی داواو ئازادیی جەستەیی ڕابەرو گەلو کوردی عەبدوڵا ئۆجالانیش کەردە.

چالاکییەکەو ئێلحینە، چالاکوان هەردەم کۆچەرە تیشکە ئاماژەش کەرد بە سەرکەوتەی پارتو یەکسانی و دیموکراسیی گەلا (دەم پارتی)، هەرپاسە داواو گەورەکەردەی کۆشیایش کەرد پەی ماڕای گۆشەگیری.