ئێشکگێریی داڎپەروەری جە چوارچوەو کەمپەینوو "ئازاڎیی پەی عەبدوڵا ئۆجالانی، چارەسەری دیموکراتیک پەی پەرسەو کوردی" لە وان و ئامەد و ئیستەنبوڵ و ئەدەنە و مێرسین بە بەرزکەردەیوە درووشموو "ئازاڎیی پەی عەبدوڵا ئۆجالانی" بەردەواما.

چالاکاو ئەدەنەی قەرارشا دا چالاکیی ئارۆیشا بەرا مێرسین و بە درووشموو "بژیوۆ مدرامانوو زیندانی" بەرەو مێرسین کەوتێ ڕا.

چالاکییەکەو وانینە، هامقسەکەرەو کۆمیسیۆنوو ورچنییەی پارتوو یەکسانی و دیموکراسیی گەلا (دەم پارتی)، نەزیمە ئارڤاسە قسێش کەردێ، سڵامش وەنەو چالاکییەکەی کەرد، ئاماژەش کەرد پانەیە ڕابەروو گەلوو کوردی عەبدوڵا ئۆجالان پەی ئازاڎی و ئیرادەو ژەنا کۆشیاێوە  گەورەش کەردەن، سایێ ئی کۆشیایوە گرد بوارێوە ژیواینە ساعیبوو دەنگ و ئیرادەین.

هامقسەکەرەو کۆمیسیۆنوو ورچنییەی پارتوو یەکسانی و دیموکراسیی گەلا (دەم پارتی)، ئۆکەش کاوا ئەرەیاوناش، پەی ورگێرتەی گۆشەگیری سەروو ڕابەروو گەلوو کوردی عەبدوڵا ئۆجالانی کۆشیایوە گەورە هەن.  

چالاکییەکەو ئامەدینە، ئەداو ئاشتی، ڕابیعە ئاتاشە واتش، پەنەوازا پێوە گۆشەگیریی ماڕمێ.  

چالاکییەکەو مێرسینینە، ئەدێوە ئاشتیی ئەدەنەوە بەشدارە بێ و واتش: "تا فشارەکێ سەروو سەرۆکیماوە با،  هیچ کەس ئازاڎ مەبۆ، ئێمە ئاشتی و ئازاڎیما گەرەکا. "

ئەداو ئاشتیی ئەمینە ئەرەنە واتش: "ئێمە چەمەڕوانێ ورگێرتەی گۆشەگیریی سەروو ڕابەرێتینمێ. دڵما پەڕا ئێش. ئێمە جەنگ نا، ئاشتیما گەرەکا.  تا گۆشەگیری سەروو ڕابەریماوە ورنەگیریۆ و ڕۆڵەکێما ئازاڎێ نەبا، چالاکییەکێما بەردەوامێنێ".

ئیستەنبوڵنە چالاکێ پەیاموو ئانەیشا وەڵا کەردۆ "ئەگەر داوێکیشا قبووڵێ نەکریا، کۆشیا بەردەوام بۆ".