چوارچوەو هەڵمەتەو "ئازاڎیی پەی عەبدوڵا ئۆجالانی، چارەسەری دیموکراتیک پەی پەرسەو کوردی"، چالاکیی ئێشکگێری داڎپەروەری بنەیانەو زیندانییا ئامەد و وان و مێرسین و ئەزمیر و ئیستەنبوڵ و مێردیننە بەردەواما.

چالاکییەکەو وانینە، سالیحە یازجییو، واتش: "با بەڕێز عەبدوڵا ئۆجالانی ئازاڎ کەرا"، دماتەر قەوموو زیندانی، گول ئۆزتورک داواش کەردە، کە  کرد زیندانییەکۍ ئازاڎۍ کریا و کەسۍ ئاشتیوازۍ پەشتیوانیی چالاکییەکەی کەرا.

یۆ تەر جە قەوموو زیندانییا، حەسەن پالا ئەرەیاوناش، کەس خێرە جە سیاسەتوو جەنگینە  مەوینۆ پەنەوازا گرد کەسێوە بەویژدان دژوو گۆشەگیری مردۆوە.

چالاکییەکەو ئامەدینە، قەوموو زیندانی، مەریەم سۆیلو گۆرانیێوەش دەربارەو سرووشتی و جوانی و وێرانکەردەی دەگێکیشۆ ئامەدنە واتە، کە ساڵاو نەوەدەکانە دەوڵەت ئی دەگێشە سۆچنێبێ.

ئەدەنەنە، ٣٦ ەمین ڕۆو چالاکییەکەینە، داواو ئازاڎیی ڕابەروو گەلوو کوردی عەبدوڵا ئۆجالانی و گردوو زیندانییا کریا.

چالاکییەکەو مێرسینینە، ئەداو زیندانی، زڵێخا کایا واتش: "گەرەکمانە گۆشەگیری مەڕیۆ و زیندانییەکۍ ئازاڎۍ با. با کەس نەمرۆ و ئێمە ئاشتیما گەرەکا".

لە چالاکییەکەو ئیستەنبوڵینە ئەنداماو مەجلیسوو گەنجاو دەم پارتی پەشتیوانیی وێشا پەی بنەیانەو زیندانییا بەروست تیشکەشا وستە سەروو کۆشیای گەلوو کورد، گەنجۍ واتشا پەنەوازا دەمودەس ڕابەروو گەلوو کوردی عەبدوڵا ئۆجالان بەشێوەی جەستەیی ئازاڎ بۆ و پەی ئاشتی بەرەکاو ئیمراڵی  کریاوە.

بنەیانەو زیندانییا جەختشا کەردۆ، تا ئازاڎیی ڕابەروو گەلوو کوردی عەبدوڵا ئۆجالانی درێژە بە کۆشیای مدا.

چالاکییەکەو  مێردین ٢ ڕوۍ بەردەواما، یۆ ئێشکگێرا، تورکان دورچ واتش: "ئێمە پەی ڕابەرێتی ئینایمۍ چێ، تا رێبەرێتی گۆشەگیرینە بەرنێ، زیندانیۍ و نەتەوەو کوردی ئازاڎۍ مەبا، ئینە داواو ئێمەنە. ڕێبەروو ئێمە کەسێوە پاسنەنە کە ماوێوە فرەن کەسی چانە نامان. کە پەی گەلە بندەسا هەرمانە کەرۆ. ئاشتی و یەکسانییش گەرەکا. وەروو ئانەیە کۆیلایەتییش قبووڵ نەکەرد وزیان گۆشەگیرییوە، ئێمە دژوو ئینەیە و پەی ماڕای گۆشەگیری کۆشیەیمێ".

تورکان واتش ئێمە بییەی گەلوو کوردی پارێزنمێ، دژوو ئانیشا کە ڕەتش کەراوە مدرامان کەرمێ. داواو ئاشتی کەرمێ، داوا کەرمۍ پیسە گردوو گەلای تەری بژیومێ، پەوکای ئارۆ چێگە مدرامان کەرمۍ و ئاشتی و دژوو جەنگی.