ناوەنڎوو ئەرەیاۋنای و چاپەمەنی هەپەگەی ئشناسنامەو دووۍ گەریلایاش بە نامەکا ئارارات هەرەکۆلۍ و زین زاگرۆسۍ ئاشکرا کەردە کە جە ١و نیسانینە گارەنە گەشمەرڎۍ بیێنۍ و پا بۊنۆ سەرەوەشیش جە گەلوو کوردسانی کەرد.
هەپەگە جە ئەرەیاۋنېوەنە باسش چانەی کەردەن، هامڕێما ئارارات هەرەکۆلە و زین زاگرۆسە جە ١و نیسانوو ٢٠٢٤ ینە هەرێموو گارەینە گەشمەرڎۍ بیېنۍ".
جە ئەرەیاۋناکەینە ئامان، "هامڕێما ئاراراتە و زینە کە جە وان و کۆبانێوە، کە دووۍ ناوەندۍ گرنگۍ مدرامانوو کوردسانینۍ بەشداری ریزەکاو گەریلایشا کەردەبۍ و پەی ئازاڎیی گەلەکەیما بە شێوێوە فیدایی جەنگشا کەرد، بیۍ بە نمونەو جەنگاوەری ئاپۆیی. هامڕێما ئاراراتە و زینە کە جە چنڎین مېڎانێنە کۊشیۍ، هەر مەنتیقێوەنە بیێبا، جە پارېزناو خەتەو ئازاڎیی ژەنېنە سەرکۆتۍ بێنۍ و مۆرەو ۋێشا جە تاریخوو کۊشیایمادا. هامڕێما ئاراراتە و زینە جە هەر ساتێوە ژیۋایشانە بە پەرەپنەدای بە کۊشیای شۆڕشگێڵنی تاوابێشا جوابوو دەوڵەتوو تورکی کۆلۆنیالیستی بڎاوە کە تاوانە دژوو گەلەکەیما ئەنجام مڎا.
پېسە هامڕایاشا ئێمە جارێوەتەر وەعد واوەی مکەرمېوە کە ئا کۊشیایەی هامڕایاما ئاراراتە و زینە پەی ئێمەشا جیائاستەن پا هوشیاریۆ کە جە کەسایەتی ئاڎیشانە لایەق بە گرڎوو گەشمەرڎاما بیمۍ، میاونمۍ بە سەرکەوتەی. ئێمە سەرەوەشی جە گرڎوو گەلی وڵاتپارێزوو کوردسانی، بەتایبەتیچ بنەیانەی بەقیمەتوو هامڕایاما ئاراراتۍ و زینۍ مکەرمۍ".
زانیاری جە بارەو ئشناسنامەو هامڕا گەشمەرڎەکاماوە پی جۆرەنە:
ناسنامۍ / ئارارات هەرەکۆلە
نامۍ و دمانامۍ / سیبەل دەنیز
شۊنماو جە ئەڎابیەی / وان
نامۍ ئەڎۍ و نامۍ تاتەی / نەجیبە - نورەدین
وەختوو شۊنماو گەشمەرڎەبیەی / ١/٤/٢٠٢٤ / گارە
*****
ناسنامۍ / زین زاگرۆس
نامۍ و دمانامۍ / گولێ حسۆ
شۊنماو جە ئەڎابیەی / کۆبانێ
نامۍ ئەڎۍ و نامۍ تاتەی / جەیلە - ئەحمەد
وەختوو شۊنماو گەشمەرڎەبیەی / ١/٤/٢٠٢٤ / گارە
