ئشناسنامەو گەریلېوە گەشمەرڎۍ ئاشکرا کریا
هەپەگە ئشناسنامەو گەریلېوەش ئاشکرا کەرد کە دێرسیمەنە گەشمەرڎۍ بیێنە و ئەرەیاۋناش: "بیمۍ بە شۊنکەوتەو ۋەرمۇ رابەرایەتی ئازاڎیی، کوردسانی ئازاڎۇ هامڕېما و سەرەوەشی جە گرڎۇ گەلی وڵاتپارێزنۇ کوردسانی مکەرمۍ".
ناوەنڎۇ ئەرەیاۋنای و چاپەمەنی هەپەگەی جە بارەو گەریلا گەشمەرڎیکێوە ئی زانیاریێشە وستۍ ڕووە:
"هامڕېما ئەسەر وارشینە ١٤/١٠/ ٢٠٢٣ ێنە جە مېڎانۇ دێرسیمینە جە ئاکامۇ هجۇمۍ دوژمنینە گەشمەرڎۍ بیە.
هامڕێما ئەسەر وارشینە جە فرەوهەرېمەکانە بە تایبەتی هەرێمەکاو پارېزنای مەدیاینە ئەرکی گرنگش جە ئەستۆ گېرت. پېسە جەنگاوەرێوە فیداییەو پەکەکەی و پاژکی جە هەر شۊنېوەنە پێویس بیۍ ئەرکۇ ۋێش بە بێ کەموکوڕی جا بەجۍ کەرۍ. جە گرڎ هەلومەرجێوەنە نوێنەرایەتی ئشناسنامەو ژەنۍ ئازاڎۍ کەرۍ. هامڕێکېما گرڎ وەختۍ بە جۆش و خرۆشە و خاکی بیەی و جە ۋۍ ۋیەردێبۍ؛ بەمەڵامەتۇ کەسایەتی پاک و بێگەردۇ ۋێشۆ پەی گرڎۇ هامڕایاش بیێبۍ بە نمونۍ. هامڕێما پا ئیلهامەی جە مدرامانۇ کۆبانێوە هورش گېرتەبۍ، دەسش بە ڕاپیمای ئازاڎیی کەرد و جە کەشە ئازاڎەکا کوردسانینە درێژەش پنەدا. بە هەڵوێسش جە ژیۋاینە، هامڕایی راسگۆیانەیش، بە ئەزمون و باوەڕی ۋێش سەرۇ خەتەو ئایدۆلۆجیاو رزگاری ژەنۍ بیە بە نمونېوە دیارەو ژیۋایۍ پڕاوپەڕ جە کۊشیای.
پېسە هامڕایا ئاڎۍ، وەعد واوەی مکەرمېوە کە لایەقۍ ئا کۊشیایە بیمۍ کە دانش دەسۇ ئێمۆ و ئاڵاو مدرامانۇ ئاڎۍ میاونمۍ بە سەرکەوتەی. ئێمە بیمۍ بە رێوگارۇ ۋەرم و ئاواتۇ رابەرایەتی ئازاڎیی، کوردسانی ئازاڎوو هامڕێما و سەرەوەشی جە گرڎۇ گەلی وڵاتپارێزی مکەرمۍ.
زانیاری جە بارەو ئشناسنامەو هامةېما ئەسەر وارشینۍ پی جۆرەنە:
ناسنامۍ / ئەسەر وارشین
نامۍ و دما نامۍ / دیلان دوراک
شۊنماو جە ئەڎابیەی / ئیستەنبوڵ
نامۍ ئەڎۍ و نامۍ تاتەی / نورحەیات- تەنەر
شۊنماو وەختوو گەشمەرڎەبیەی / ١٤/١٠/ ٢٠٢٣/ دێرسیم
