چالاکییەکە جەلایەن و  مییانو جەمەو دیموکراتی کورد جە ئۆسلۆنە (نەجەدەکە-ئۆسلۆ) و هامپەشتی چنی کوردەسانی سازکریا.

ژمارێوە فرە جە کوردەسانیا و ئینترناسیۆناڵیستەکا بەشداریشا جە چالاکییەکەینە کەرد کە وەردەمو وێسگەو ئۆسلۆ سێنتراڵینە لواڕاوە.

دماو دەقێوە بێدەنگی پەی رێزگێرتەی جە یاڏو گەشمەرڏا، هامسەرۆکو نەجەدەکە-ئۆسلۆ ئەندام ئاسۆ قسێش کەردێ و ئاماژەش بە تاوانە دژە مرۆڤایەتیەکا دۆڵەتو تورکی ئەرەگیری و چەتەکاش جە وەرنیشتەنە کەرد. ئەندام ئاسۆ داواش جە حکومەتو نەرویژ و وڵاتا تەرو ئەوروپای کەرد کە جە وەراوەرو هرووژمەکانە بێدەنگێ نەبا و پەشتیوانی جە وەرنیشتی کەرا.

'وەرنیشت مۆدێلێوە بێهاوتان پەی سوریای'

دماتەر پەرلەمانتارو پارتو ژینگەو سەوزی راسمۆس هانسۆن قسێش کەردە و ئانەش وست ڕووە کە وەرنیشت دلێ هەلومەرجو جەنگینە جە سوریانە مۆدێلێوە نمونەییا و واتش، "جەماوەو دە ساڵا جەنگ و کاولکارینە وەرنیشت پێسەو مۆدێلێوە ڕاوەبەری دیموکراتیک و ئازاد ئەرەمەزیان. بەڵام وڵاتا هامسێ و هەرپاسە روسیا، ئێران و ئیسەیچ ئیسرائیل هەوڵ مرا جە سوریانە گێژاوێ ساز کەرانە. مشۆم هرووژمە ئەرەگیرەکێ دۆڵەتو تورکی کە هامپەیمانو ناتۆین دەمودەس مدرنا و وەر جە پیلانە ئیمپریالیستیەکا ئەردۆغانیگێرانە

هانسۆن داواش جە حکومەتو نەرویژی کەرد کە گەلو وەرنیشتی جە وەراوەرو هرووژمەکا پارێزنۆ و چا پرسێنە بە شێوەو وەرپرسانە مامەڵە کەرۆ.

بەشداربییەکێ ئاڵاکۍ یەپەگەی و یەپەژەیشا شۆکناوە و دروشمەکێ "بژیوۆ مڏرامانو وەرنیشتی"، "دۆڵەتو تورکی ئەرەگیری جە وەنیشتەنە لوە جبەر" و "بژیوۆ کوردەسان"یشا واتێوە. گلێرۆ بییەیە ناڕەزایەتیەکێ دماو وتارەکێ دمایش ئاما.