بە بۆنەو٤٠ەمین ساڵیادوو هەڵمەتەو ١٥و ئابیوە هەرێموو ئێڤریی پاریسوو پایتەختوو فەڕەنساینە، بە بەشداریی هەزارا کوردستانییا مەبرەکە کریا، مەیدانوو ئاهەنگەکەی بە ڕسمێ ڕابەروو گەلوو کوردی عەبدوڵڵا ئۆجالانی و فەرماندە عەگیدی و چیاگەرهێڤی و ڕۆژهات زیلان و ئەرداڵی کە ئەنقەرەنە چالاکیی فیداییسا کەرد و عەلەمەو پەکەکەی ڕازیاوە. 

ئەنداماو تەڤگەروو گەنجە شۆڕشگێڵنا (تەجەشە) ئەوەڵ یاوێ مەیدانوو ئاهەنگەکەی، دمایی جە کەسێتیی فەرماندەی نەمروو هەڵمەتەو ١٥و ئابی فەرماندە عەگید (مەعسوم کۆرکماز) دەیەقێوە ڕێزگێرتەی پەی گەشمەرداو شۆڕشی نیشانە دریا. 

دمایی ئەنداموو دیوانوو جەدەکە-فە فاروق سۆیلەمەز قسێش کەردێ و جەژنەو ژیوایۆش وەنەو ڕابەروو گەلوو کوردی عەبدوڵا ئۆجالانی و گەریلاکاو ئازادی و مدرامانکەراو زیندانی و گرد لاێوە مەبارەکە کەردە.

سۆیلەمەز تیشکەشوستە سەروو گۆذەگیریی رابەروو گەلوو کوردی عەبدوڵلا ئۆجالانی و واتش:" مشۆم هورپڕای ئازایی قەوەتتەر بکەرمێ، پیسەو گەلوو کوردی هەرمانەی سەرەکییەمانە. ئەگەر هورپرای ئازادییما قەوەتتەر بکەرمێ و بیاونمێش بە سەرکەوتەی، ئازادیی جەسەیی ڕابەر ئاپۆی مسۆگەر مکەرمێ و  ڕا وەنەو هجوومەکا وەراوەروو گەریلاکاو ئازادی و گەلەکەیماوە مگێرمێ". 

دمایی فەیسەڵ ساری یەڵدز واتش بە ڕۆحوو مدرامانوو ١٥و ئابیوە بەرەو سەرکەوتەی ملا و واتش:" دماو  هەڵمەتەو ١٥و ئابیوە، گەورەتەرین گورز وەنەو دەوڵەتوو تورکی دریا".

هامسەرۆکەو جەدەکە-فەی خانێ ئاکدۆغانە گەشمەرداو کۆشیای ئازادیی کوردسانیش یادێ کەردێوە و تیشکەش وستە سەروو گرنگیی هەڵمەتەو ١٥و ئابی و وەعدوو سەرکەوتەیش دا. 

چالاکییەکە بە گۆرانیێ و هورپڕای تەمامیا.