ئەورووپانە کەمپەینوو کیانای پۊستکارتا پەی ئیمراڵی دەسش پەنە کەرد
چوارچوەو هەڵمەتەو میاننەتەوەییەو "ئازاڎیی پەی عەبدوڵا ئۊجالانی، چارەسەری سیاسی پەی پەرسەو کوردی"، ئەورووپانە کەمپەینوو کیانای پۊستکارتا پەی ئیمراڵی دەسش پەنە کەرد.
چوارچوەو هەڵمەتەی میاننەتەوەییەو "ئازاڎیی پەی عەبدوڵا ئۊجالانی، چارەسەری سیاسی پەی پرسەو کوردی"، بە سەرمەشقایەتیی کۊنگرەو جڤاکی دیموکراتیکوو کوردستانی ئەورووپانە (کەجەدەکە-ئە) چوارچوەو هەڵمەتەو ٨ کانوونوو دووەمینە، کەمپەینوو کیانای پۊستکارتادەسش پەنە کەرد.
ماوێوەن هەرمانە کریۊ سەروو دیزاینکەرڎەی کارتەکا و پەیامەکا.
هامسەرۊکەو کەجەدەکە-ئەی، زوبەیدە زومروتە واتش هەرمانەکێشا چی چوارچوەنە دماییشا پەنە ئامان و واتش، کارتەکۍ ئامادۍ کریێنۍ و وەڵۍ کریێنێوە. پی هەرمانۍ دەسشا بە کەمپەینەکەی کەرڎەن.
کارتەکۍ بە زوانی جیاواز نویسیێنێ، پێسە کوردی و ئینگلیزی و فەڕەنسی، دلێشانە داواو ئازاڎیی ڕابەروو گەلوو کوردی عەبدوڵا ئۊجالانی کریان و پەیامەکاو ئۊجالانی دەربارەو ئازاڎیی ژەنۍ و ئازاڎیی ژیوگەی و چارەسەروو قەیرانەکا گێرا وێ.
بڕۍ جە پەیامەکا پێسنێنێ:
"بەڕێز عەبدوڵا ئۊجالان
بە ئامانجوو پەشتگیریکەرڎەیتا ئینەیە منویسوو، ئارۊ گرد یاگێوەنە ژەنی پەی مافەکاشا کۊشیا. تۊ واچێنی: "تا ژەنی ئازاڎە نەبۊ، جڤاک ئازاڎ نمەبۊ"، هەرپاسە تۊ درووشموو "ژەنی، ژیوای، ئازاڎی"یت نیارەم کە بی بە ئیلهاموو جیهانی! هامکارتا بوو تا تیۊروو ڕزگاریی ژەنی جە ڕاو جمیەری یەکسانیوازیوە بیاونوو گرد یاگێ، داواو ئازاڎیی تۊ کەروو".
*
"بەڕێز عەبدوڵا ئۊجالان
تۊ واتت، ئاورایی و بێهەرمانی و جەنگ و تاڵانی، ئەنجاموو خیانەتینۍ جە ئیکۊلۊژی، ئا جڤاکە پەشتی بە ئیکۊلۊژی نەبەسۊ، تەندروست نمەبۊ. بە دڵ و گیان هامبەشو ئی وینگایە کەروو پەی وەڵیوستەی ئیکۊلۊژیای، داواو ئازاڎی جەستەیی بەپەلەیت پەی کەروو".
*
"بەڕێز عەبدوڵا ئۊجالان
ئی پەیامە نیشاندای پەشتگیریی منا. جەنگ و پێوەرەدای گرد یاگێوەنە وەروەڵان. بەدڵ و گیان هامبەشوو وینگاکەیت کەروو کە ماچۊ " بەینوو جەنگی و ئاشتیینە، ورچنییەی جەنگی فەرەتەرا، وەلۍ لاو منۊ ئاشتی مانادار و سەرکەوتەتارا". من بە دڵوازانە هامڕاو گردوو ئەرەمەنەیەکات بوو، تا بتاوی فەلسەفەکەیت وەرفراوانتەر کەری، داواو ئازاڎیی جەستەیی بەپەلەیت پەی کەروو".
