سەردەم ئاگرى (عوسمان عەبدى) یۆ چا گەریلایا بێ کە جە یورشە کیمیاویەکاو لەشکرو تورکى ئەرەگیریاینە شەهید بى. بنەماڵەو سەردەم ئاگرى بێدەنگیش جە وەران وەرو یورشە کیمیاویەکانەسەرکۆنە کەرد و داواش جە تەمام و دەزگا پەیوەن دارەکا کەرد, جە هەرێمەکاو پاراستەو مەدیاى وردبیەیۆ کەرا.

لەشکرو تورکى ئەرەگیرى جە (14 و نیسان و2022)ەوە بە هامکارى پەدەکەى یورشش کەردەن سەرو ناوچەکاو زاپی و مەتینای و ئاوە کەوێ. هەپەگە یاوناش جە خیلال و 6 مانگا ویەردەینە بە لاوکەمیۆ ( 2 هەزارێو 476 )جارێ چەکى کیمیاوى و قەدەغە کریا بەکار ئامان.

هەپەگە یاوناش جە مانگەکاو ئاب وئەیلول و تشرینى ئەوەڵینە 17 گەریلێ بە چەکى کیمیاوى شەهیدێ بیێنێ . سەردەم ئاگرى یۆن جا گەریلایا, کە جە ( 20 تشرین و ئەوەڵ و 2022) جە زاپەنە کەوت وەرو یورش و کیمیاوى و شەهید بى .

حەمدیە ئەحمەد ئەیاو شەهید سەردەم ئاگرى بە ئاژانس و هەواڵ و فوڕات (ANF)یش وات: بە تنی ئیدانەو پەدەكەی كەرۆنەو ماچۆ گەل وكوردی واڵەو برێ یەكترینێ ئشیێ پەدەكە چەنی كوردا بیێ، مشیۆ پێ دروست بیەو كوردسانێ ئازادی یۆگێرمێ. ئشیێ پەدەكە چەنی گەریلایی بیێ،ئەگەرئایێ نیەنێ چنی كوردیو گەریلای پێچی بە وێشا ماچا كورد، ئەگەر كوردێ بیێنێ و بەرژەوەنی كوردیشا گەرەك بیێ پشتیوانی جە گەریلای كەرێنێ. ئانەی پەدەكە كەرۆش خیانەتا ئەگەرخیانەت كارێ نەبا پێچی هامكاری دەوڵەت و توركی كەرا. ئەیا حەمدیە یاوناش: پێویسا گەل داواو چنە پەرسایۆ جە دەوڵەت و توركی كەرۆو دمایی بە بێدەنگی میان نەتەوەیی بارۆ.

محەمەد عەبدی تاتەو شەهید سەردەم ئاگری باس و ئانەیش كەرد، كە چەك و كیمیاوی بە پاو بەها ئینسانی و یاسا میان نەتەوەییەكا قەدەغە كریێنێ و ماچۆ بەكار ئاردەو ئی چەكا نیشانێ دۆڕیاو وڕاو دەوڵەت و توركینە. بە تازەترین چەك و تەكنەلۆجیاو دنیێ بە گەریلای مەیارا پەناشاپێ چەك و كیمیاوی بەردەن ، ئایێ گەرەكشابێ بە بەكار ئاردەو كیمیاوی ئەنجام گێرا .

محەمەد عەبدی تاتەو شەهید سەردەم ئاگری واتش : پەدەكە ڕاش پێ دەوڵەت و توركی وەش  كەردەن كە بە ئاسانی یاوۆ بە هەرێمەكاو پاراستەو مەدیای. ماچۆ پەدەكە دەسش گێرتەن سەرو ئادەمامكە قیناعارە كە دژو كیمیاوینێ كە یاوا دەس و گەریلاكا و كوردسانی ئەگەر ئارۆ گەریلێ بە كیمیاوی شەهیدێ با ئانە هۆكارەكەش نەبیەو دەمامكین، تاكە تاوانبار چی مەسەلێنە تەنها پەدەكەن. محەمەد عەبدی ئانەیچش وات هیشتا ڕێكوزیا میان نەتەوەییەكێ وردبیەیۆشا چا ناوچانە نەكەردەن كە كیمیاویش چنە بەكار ئامان سەر زەنشت و ئا بێدەنگیاشە كەرد و داواش كەرد پێویسا گەلاو دنیێ سەرو ئی بابەتیە وتووێژكەرا مشۆ تەمامو دنیێ چینەی یاوۆنە كە وەران وەرو گەریلاینە چەكی كیمیاوی بەكارمێ ، تا تاوا ڕاش چنە گێرا.

ژ.ت